...तर मुलांना शाळेत पाठवण्यास ७५ टक्के पालक तयार

म. टा. विशेष प्रतिनिधी मुंबई : करोनामुळे अनेक आपल्या पाल्यांना शाळेत पाठवण्यास तयार नाहीत. परंतु करोनाची परिस्थिती आटोक्यात आल्यानंतर आपल्या पाल्यांना लगेचच शाळेत पाठवण्याची तयारी मुंबईतील ७५ टक्के पालकांनी दर्शवली आहे. मुंबई महापालिकेच्या , पालिका शिक्षण विभागाशी संलग्न खासगी अनुदानित आणि विनाअनुदानित शाळेत ८ लाख २४ हजार ८७४ विद्यार्थी शिक्षण घेत आहेत. या विद्यार्थ्यांच्या ७५ टक्के पालकांनी करोनाचा प्रादूर्भाव कमी झाल्यावर पाल्यांना शाळेत पाठविणार असल्याचे सांगितले. मुंबई महापालिका शिक्षण विभागाने १ ते १५ मार्चदरम्यान शाळाबाह्य बालकांचे सर्वेक्षण केले. या सर्वेक्षणात त्यांनी मुंबईतील विविध कुटुंबांतील ३ ते १८ वयोगटातील बालकांची माहिती घेतली. मुंबई महापालिकेशी संलग्न असलेल्या शाळांमध्ये ७ लाख २७ हजार ३२५ विद्यार्थी असल्याचे दिसून आले. यामध्ये दिव्यांग विद्यार्थ्यांची संख्या ११ हजार ५६६ आहे. पालिकेने पालकांना करोनानंतर परिस्थिती आटोक्यात आल्यावर नियमितपणे शाळेत पाठवण्यासंदर्भात प्रश्न विचारला असता, तब्बल ५ लाख ४९ हजार ९१६ पालकांनी विद्यार्थ्यांना शाळेत पाठवण्याबाबत तयारी दर्शवली. हे प्रमाण तब्बल ७५ टक्के आहे. मुंबईतील खासगी शाळेतील बहुसंख्य विद्यार्थ्यांकडे डिजिटल शिक्षणासाठीची व्यवस्था उपलब्ध आहे. त्यामुळे खासगी शाळेतील विद्यार्थ्यांना अडचणी येत नसल्या तरी पालिकेच्या विद्यार्थ्यांसाठी हीच एक मोठी समस्या असल्याचे कारण यासाठी पालकांनी दिले आहे, असे पालिकेच्या अधिकाऱ्यांकडून सांगण्यात आले. या भागातील पालकांची तयारी मुंबई महापालिकेच्या चेंबूर विभागातील शाळांमध्ये सर्वाधिक विद्यार्थी असून, याच विभागातील सर्वाधिक ८१,१८३ विद्यार्थ्यांच्या पालकांनी आपल्या पाल्यांना शाळेत पाठवण्याची तयारी दर्शवली आहे. त्या खालोखाल अंधेरी ५७,१२७, कांदिवली ५३,१९७, कुर्ला ५३,१७१, परळ ४५,०१७, भांडुप ४४,२६०, भायखळा ४०,१२८, दादर ३६,७८२, बोरिवली ३३,१३० तर घाटकोपर विभागातील २९,६९४ विद्यार्थ्यांचे पालक आटोक्यात आल्यानंतर पाल्यांना शाळेत पाठवण्यास तयार आहेत. महापालिका शाळेतील विद्यार्थीसंख्या - पहिली ते पाचवी : ५,९०,९८८ - सहावी ते आठवी : १,०२,५५४ - नववी, दहावी : ३३,७८३

from Career News in Marathi: Career News, मराठी Career बातम्या | Maharashtra Times https://ift.tt/3sDQGEa
via IFTTT