दहावी, बारावी परीक्षांच्या पूर्वतयारीसाठी विद्यार्थ्यांना क्वेश्चन बँक

SSC HSC Exam 2021: दहावी, बारावीच्या एप्रिल-मे महिन्यात होणाऱ्या परीक्षांच्या पूर्वतयारीसाठी मदत म्हणून विद्यार्थ्यांना प्रश्न संच () उपलब्ध करून देण्यात येईल, असे शालेय शिक्षणमंत्री वर्षा गायकवाड यांनी विधानसभेत एका प्रश्नाच्या उत्तरादरम्यान सांगितले. दहावी, बारावीच्या परीक्षा विद्यार्थ्यांच्या परीक्षा ह्या ते शिकत असलेल्या शाळांमध्येच घेण्याबाबतचा पर्याय विचाराधीन आहे. परीक्षा सुरु होण्याच्या अगदी शेवटच्या दिवसापर्यंत शैक्षणिक अभ्यासक्रम YouTube आणि सह्याद्री दूरसंचार वाहिनीमार्फत विद्यार्थ्यांपर्यंत पोहोचवण्यासाठी प्रयत्न केला जाईल, असे शालेय शिक्षणमंत्री वर्षा गायकवाड यांनी शुक्रवारी विधानसभेत विचारलेल्या प्रश्नांची उत्तरे देताना सांगितले. दरम्यान, राज्य माध्यमिक आणि उच्च माध्यमिक शिक्षण मंडळाच्या इयत्ता दहावी, बारावीच्या परीक्षा ऑफलाइन होणार हे आता निश्चित आहे. शालेय शिक्षणमंत्र्यांनीही अलीकडेच ते पुन्हा एकवार स्पष्ट केले आहे. आता या परीक्षा नेमक्या कशा पद्धतीने आयोजित करायच्या यासाठी राज्य सरकारने एक सल्लागार समिती नेमली आहे. परीक्षांसाठी सल्लागार समिती राज्य माध्यमिक आणि उच्च माध्यमिक शिक्षण मंडळाचे अध्यक्ष दिनकर पाटील यांच्या अध्यक्षतेखाली ही सल्लागार समिती नेमण्यात आली आहे. ही दहा जणांची समिती आहे. या समितीत दहा जणांची समिती स्थापन करण्यात आली आहे. यात शिक्षण मंडळाचे माजी अध्यक्ष वसंत काळपांडे, मंडळाचे माजी अध्यक्ष विनय दक्षिणदास यांच्यासह शिक्षण मंडळातील इतर अधिकारी, पुण्यातील ससून रुग्णालयातील वैद्यकीय अधीक्षक विजय जाधव, कात्रज येथील शाळेचे मुख्याध्यापक हरिश्चंद्र गायकवाड, राज्य शैक्षणिक संशोधन व प्रशिक्षण परिषदेचे प्राचार्य, विकास गरड, पुणे मंडळाचे सदस्य नितीन म्हेत्रे आदींचा समावेश आहे. या समितीची पहिली बैठक पुण्यात शुक्रवारी पार पडली. विद्यार्थ्यांच्या सुरक्षिततेवर भरत देत परीक्षा कशा पद्धतीने आयोजित करता येईल यावर या बैठकीत विचार विनिमय करण्यात आला.

from Career News in Marathi: Career News, मराठी Career बातम्या | Maharashtra Times https://ift.tt/30mV0v3
via IFTTT