CBSE बोर्डाच्या दहावी,बारावी परीक्षांच्या वेळापत्रकात बदल

CBSE Revised Date Sheet 2021: केंद्रीय माध्यमिक शिक्षण मंडळ अर्थात सीबीएसई (CBSE) बोर्डाने दहावी आणि बारावीच्या परीक्षांच्या वेळापत्रकात बदल केला आहे. सुधारित वेळापत्रक शुक्रवारी जाहीर करण्यात आले. सुधारित वेळापत्रक सीबीएसईच्या अधिकृत संकेतस्थळावर उपलब्ध करण्यात आले आहे. वेळापत्रकात महत्त्वाचे बदल करण्यात आले आहेत. यानुसार बारावीचा १३ मे रोजी असणारा फिजिक्स पेपर आता सुधारित वेळापत्रकानुसार ८ जून रोजी आयोजित केला जाईल. याशिवाय इतिहास आणि बँकिंग विषयाच्या परीक्षांमध्येही बदल करण्यात आला आहे. याव्यतिरिक्त दहावीचा विज्ञान आणि गणित विषयांच्या पेपरच्या तारखांमध्ये बदल करण्यात आला आहे. यानुसार दहावीचा सायन्सचा पेपर २१ मे आणि मॅथ्सचा पेपर २ जून रोजी होईल. याशिवाय बोर्डाने कला शाखेसाठीही वेळापत्रकात बदल केला आहे. यानुसार, भूगोलाचा आधी २ जून रोजी असणारा पेपर आता ३ जूनला आयोजित केला जाणार आहे. सीबीएसईच्या दहावी, बारावी परीक्षा ४ मे पासून सुरू होणार आहे. दहावीची परीक्षा ७ जून तर बारावीची परीक्षा ११ जून रोजी संपणार आहे. बोर्डाने १ मार्चपासून शाळांद्वारे प्रात्यक्षिक परीक्षांचे आयोजनही केले आहे. अभ्यासक्रमात कपात सीबीएसई बोर्डाने अभ्यासक्रमात ३० टक्के कपात केली आहे. करोना महामारीच्या परिस्थितीमुळे बहुतांश शाळा गेले वर्षभर ऑनलाइन सुरू होत्या परिणामी विद्यार्थ्यांवरील ताण कमी करण्यासाठी अभ्यासक्रम कपात करण्यात आली आहे. परीक्षेत ३३ टक्के प्रश्न इंटरनल चॉइस प्रकारचे असतील. परीक्षा ऑफलाइन होणार आहे. विद्यार्थ्यांनी परीक्षेला हजर राहताना कोविड-१९ सुरक्षाविषयक नियमांचे काटेकोर पालन करायचे आहे. परीक्षांचे निकार १५ जुलैपर्यंत जाहीर होणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/3c3dxSn
via IFTTT