ICAI CA May Exam: फाऊंडेशन कोर्स परीक्षेच्या तारखा जाहीर

CA May Exam: इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) CA फाऊंडेशन कोर्ससाठी मे मधील परीक्षेच्या तारखा जाहीर केल्या आहेत. २४, २६, २८ आणि ३० जून २०२१ रोजी ही परीक्षा होणार आहे. वेळापत्रक icai.org या आयसीएआयच्या अधिकृत वेबसाइटवर उपलब्ध आहे. फाऊंडेशन परीक्षेसाठी ऑनलाईन अर्ज प्रक्रिया २० एप्रिलपासून सुरू होईल. अर्ज जमा करण्याची अंतिम तारीख ४ मे २०२१ आहे. भारतीय केंद्रातून परीक्षा देणाऱ्या सर्व उमेदवारांना १५०० रुपये अर्ज शुल्क भरावे लागेल. काठमांडू (नेपाळ) केंद्राच्या उमेदवारांसाठी अर्ज शुल्क २२०० रुपये आहे. फी क्रेडिट / डेबिट कार्ड / नेट बँकिंग / यूपीआय मार्फत दिली जाऊ शकते. अधिकृत अधिसूचनेनुसार, 'केंद्र सरकार किंवा कोणत्याही राज्य सरकारने परीक्षेच्या वेळापत्रकानंतर कोणत्याही दिवशी सार्वजनिक सुट्टी जाहीर केल्यास परीक्षेच्या वेळापत्रकात कोणताही बदल होणार नाही.'

from Career News in Marathi: Career News, मराठी Career बातम्या | Maharashtra Times https://ift.tt/3rlwIxe
via IFTTT