ICSE बोर्डाच्या दहावी, बारावी परीक्षांच्या वेळापत्रकात बदल

ICSE द काउन्सिल फॉर द इंडियन स्कूल सर्टिफिकेट () ने दहावी आणि बारावी परीक्षांच्या वेळापत्रकात बदल केला आहे. सुधारित तारखा बोर्डाच्या अधिकृत संकेतस्थळावर जाहीर करण्यात आल्या आहेत. सुधारित वेळापत्रकानुसार, बारावीच्या परीक्षा ८ एप्रिल ते १८ जून आणि दहावीच्या परीक्षा ४ मे ते ७ जून या कालावधीत आयोजित करण्यात येणार आहेत. काही अपरिहार्य कारणांमुळे वेळापत्रकात बदल करण्यात आला, असे अधिकृत परिपत्रकात म्हटले आहे. दहावीच्या विद्यार्थ्यांसाठी १३ ते १५ मे दरम्यान आणि बारावीच्या विद्यार्थ्यांसाठी १३, १५ मे आणि १२ जून या तारखांना कोणत्याही परीक्षा ठेवण्यात आलेल्या नाहीत. संपूर्ण सुधारित वेळापत्रक cisce.org वर उपलब्ध आहे. यापूर्वीच्या वेळापत्रकानुसार, बारावीच्या परीक्षा ८ एप्रिल ते १६ जून आणि दहावीच्या परीक्षा ५ मे ते ७ जून या कालावधीत आयोजित करण्यात आल्या होत्या. दहावीच्या विद्यार्थ्यांचा, १३ मे रोजी असणारा अर्थशास्त्राचा पेपर आता ४ मे रोजी होईल. कला विषय २, ३ आणि ४ या विषयांची परीक्षा अनुक्रमे १५, २२ आणि २९ मे रोजी असेल. बारवीच्या विद्यार्थ्यांचा ५ मे रोजी असणारा बिझनेस स्टडी विषयाचा पेपर सुधारित वेळापत्रकानुसार, १८ जून रोजी होईल. इंग्लिश पेपर २ विषयाची परीक्षा ४ मे रोजी आणि बायोटेक्नॉलॉजी पेपर १ या विषयाची परीक्षा ८ मे रोजी असेल. दहावीचे जुने आणि सुधारित वेळापत्रक पुढील प्रमाणे - विषय - नवी सुधारित तारीख - जुनी तारीख इकॉ़नॉमिक्स (ग्रुप २ इलेक्टिव्ह) -- ४ मे -- १३ मे आर्ट पेपर २ -- २२ मे -- १५ मे आर्ट पेपर ३ -- २९ मे -- २२ मे आर्ट पेपर ४ -- ५ जून -- २९ मे बारावीचे जुने आणि सुधारित वेळापत्रक पुढील प्रमाणे - विषय -- नवी सुधारित तारीख - जुनी तारीख बिझनेस स्टडीज -- १८ जून -- ५ मे इंग्लिश पेपर २ -- ४ मे -- १३ मे आर्ट पेपर ५ -- ५ मे -- २ जून होम सायन्स (पेपर १) -- २२ मे -- १५ मे आर्ट पेपर ४ -- २ जून -- ५ जून हॉस्पिटॅलिटी मॅनेजमेंट -- ५ जून -- ८ जून बायोटेक्नॉलॉजी पेपर १ -- ८ मे -- १० जून आर्ट पेपर १ -- १२ मे -- १२ जून

from Career News in Marathi: Career News, मराठी Career बातम्या | Maharashtra Times https://ift.tt/38likO0
via IFTTT