स्टाफ सिलेक्शन कमिशन: SSC MTS 2019 परीक्षेचा निकाल जाहीर

MTS 2019 : कर्मचारी निवड आयोग (SSC) ने मल्टी-टास्किंग स्टाफ परीक्षा (MTS) २०१९ चा अंतिम निकाल जाहीर केला आहे. सर्व उमेदवारांचे स्कोअर कार्ड (उत्तीर्ण असोत वा नसोत), १० मार्च रोजी जारी केले जातील. SSC 2019 चे स्कोअर कार्ड डाऊनलोड करण्याची लिंक ३१ मार्च पर्यंत उपलब्ध होईल. स्टाफ सिलेक्शन कमिशनने सांगितले आहे की, 'निवड झालेल्या आणि न झालेल्या उमेदवारांचे सविस्तर गुण आयोगाच्या संकेतस्थळावर १० मार्च २०२१ पर्यंत अपलोड केले जातील. ही सुविधा १० मार्च २०२१ ते ३१ मार्च २०२१ पर्यंत उपलब्ध असेल. उमेदवार आपला नोंदणी क्रमांक आणि पासवर्डच्या सहाय्याने वैयक्तिक गुण पाहू शकतात.' दरम्यान, स्टाफ सिलेक्शन कमिशनने ६०७ उमेदवारांचा निकाल रोखून ठेवला आहे. एमटीएस पदांवरील निवड संगणक आधारित परीक्षा आणि डिस्क्रीप्टीव्ह टेस्ट च्या माध्यमातून केली जाते. राज्य आणि केंद्रशासित प्रदेशांची अंतिम निवड आणि संगणक आधारित परीक्षेतील उमेदवारांची कामगिरी, ऑनलाइन अर्जात राज्यांनी दिलेले प्रेफरन्स आणि उमेदवारांचे वय या आधारे ठरते. एमटीएस पदांसाठी १८ ते २५ वर्षे आणि १८ ते २७ वर्षे असे वयोमर्यादेचे दोन गट आहेत.

from Career News in Marathi: Career News, मराठी Career बातम्या | Maharashtra Times https://ift.tt/38iWuuy
via IFTTT