UGC NET परीक्षेसाठी अजूनही करू शकता अर्ज; अंतिम मुदतीत वाढ

NTA : विद्यापीठ अनुदान आयोगाची (UGC) राष्ट्रीय पात्रता परीक्षा 2021 (NET) साठी अर्ज करण्याची अंतिम मुदत वाढवण्यात आली आहे. जर तुम्ही अजूनही अर्ज केला नसेल, तर तुमच्यासाठी आणखी एक संधी आहे. नॅशनल टेस्टिंग एजन्सी (NTA) द्वारे ही परीक्षा मे २०२१ मध्ये आयोजित करण्यात येणार आहे. मे २०२१ मध्ये जी यूजीसी नेट (NET JRF) परीक्षा होणार आहे, ती डिसेंबर २०२० ची प्रलंबित परीक्षा आहे. करोना संक्रमणामुळे जून 2020 ची यूजीसी नेट परीक्षा विलंबाने सुरू झाली होती, ज्या कारणामुळे डिसेंबर २०२० ची परीक्षा आयोजित करता आली नाही. या परीक्षेसंदर्भातील कोणती नोटीसही जाहीर करण्यात आली नव्हती. UGC NET 2021: महत्त्वाच्या तारखा यूजीसी नेट मे २०२१ साठी ऑनलाइन अर्ज करण्याची अंतिम तारीख २ मार्च २०२१ होती, पण या अर्ज प्रक्रियेला मुदतवाढ देण्यात आली. त्यानुसार आता अंतिम मुदत ९ मार्च २०२१ आहे. उमेदवार एनटीए यूजीसी नेटची वेबसाइट ugcnet.nta.nic.in वर जाऊन ९ मार्च २०२१ (रात्री ११.५०) पर्यंत अर्ज करू शकतात. अर्जाचे शुल्क भरण्याची मुदत २० मार्च २०२१ (रात्री ११.५० पर्यंत) आहे. यानंतर अर्जात दुरुस्ती करण्यासाठी देखील एक संधी दिली जाणार आहे. एनटीए १२ मार्च २०२१ रोजी ऑनलाइन करेक्शन विंडो उघडणार आहे. उमदेवार १२ मार्च ते १६ मार्च (रात्री ११.५० वाजेपर्यंत) आपल्या अर्जात दुरुस्ती करू शकतात. या परीक्षेसंबंधी कोणतीही माहिती किंवा मदतीसाठी उमेदवार एनटीए हेल्पडेस्क (NTA Helpdesk UGC NET) शी ०११-४०७५९००० या क्रमांकावर संपर्क साधू शकतात किंवा ugcnet@nta.ac.in या आयडी वर ईमेल पाठवू शकतात.

from Career News in Marathi: Career News, मराठी Career बातम्या | Maharashtra Times https://ift.tt/386Em74
via IFTTT