आयसीएसई दहावी परीक्षेसंबंधीचा निर्णय बोर्डाने बदलला

ICSE Board Exam Latest Update: काउन्सिल फॉर दि इंडियन स्कूल सर्टिफिकेट एक्झामिनेशन (CISCE) ने सत्र २०२०-२१ च्या दहावीच्या परीक्षांसंबंधी (ICSE) आपला निर्णय बोर्डाने बदलला आहे. काही दिवसांपूर्वी जारी झालेल्या परिपत्रकात बोर्डाने म्हटले होते की इयत्ता दहावीच्या परीक्षा रद्द करण्यात आल्या आहेत, मात्र जे विद्यार्थी आपल्या निकालावर समाधानी नसतील, त्यांना बारावीच्या विद्यार्थ्यांसोबत परीक्षा देण्याची संधी दिली जाईल. मात्र हा निर्णय बोर्डाने मागे घेतला आहे. आता बोर्डाने परीक्षांबाबत नवी नोटीस जारी केली आहे. अधिकृत वेबसाइट cisce.org वर हे परिपत्रक जारी करण्यात आले आहे. यानुसार सत्र २०२१-२२ साठी ११ वी प्रवेशांची माहिती देखील देण्यात आली आहे. आता आयसीएसई बोर्डाच्या (ICSE Board) दहावीच्या परीक्षा पूर्णपणे रद्द करण्याचा निर्णय घेण्यात आला आहे.य नव्या परिपत्रकात सीआयएससीईने म्हटले आहे की 'देशात कोविड-19 ची स्थिती दिवसेंदिवस बिघडत असल्याने बोर्ड दहावीची परीक्षा पूर्णपणे रद्द करण्यात आली आहे. म्हणजेच आता दहावीच्या कोणत्याही विद्यार्थ्याकडे यावर्षी परीक्षा देण्याचा कोणताही पर्याय नसेल. विना परीक्षा निकाल तयार करण्यासाठी आयसीएसई बोर्ड एक निष्पक्ष व उचित मानदंड तयार करेल. रिजल्ट की तारीख नंतर घोषित किली जाईल.' अकरावी प्रवेशांची माहिती (ICSE class 11 admission 2021) आईएससी (ISC) पर्यंत वर्ग असणाऱ्या आयसीएसई बोर्ड स्कूल्स (ICSE Board Schools) असा सल्ला देण्यात आला आहे की त्यांनी शैक्षणिक सत्र 2021-22 साठी इयत्ता ११ वी प्रवेशांची प्रक्रिया सुरू करावी. सोबतच शाळांना लवकरात लवकर ११ वी ऑनलाइनच्या वर्गांचे वेळापत्रक तयार करण्याचे निर्देश देण्यात आले आहेत. त्यांना आयएससी २०२३ चा सिलॅबस (ICSE Board ISC syllabus) फॉलो करण्याचे निर्देश देण्यात आले आहेत. आयसीएसई बारावी परीक्षेचे काय होणार? (ICSE class 12 Board exam 2021) काउन्सिलने नव्या परिपत्रकात असं म्हटलं आहे की बारावी बोर्ड परीक्षा (ISC Exams 2021) पूर्वीप्रमाणेच स्थगित राहतील. या परीक्षा परिस्थिती सुधारल्यानंतर आयोजित केल्या जातील. परीक्षा कधी होणार याचा निर्णय नंतर घेतला जाईल.

from Career News in Marathi: Career News, मराठी Career बातम्या | Maharashtra Times https://ift.tt/3x9hDC9
via IFTTT