पुढील शैक्षणिक वर्षही ऑनलाइन; दर्जेदार शिक्षणासाठी कॉलेजांची तयारी सुरू

म. टा. विशेष प्रतिनिधी, मुंबई कॉलेजांचे पुढील शैक्षणिक वर्षही ऑनलाइन शिक्षणाचे असल्याचे चित्र आहे. यानुसार कॉलेजांनी तयारी केली आहे. गेल्या वर्षभरात आलेल्या अनुभवांचा फायदा घेत, येत्या शैक्षणिक वर्षात उत्तम दर्जाचे शिक्षण देण्याचा कॉलेजांचा प्रयत्न असणार आहे. करोनाचा वाढता प्रादुर्भाव लॉकडाउनचे सावट लक्षात घेता अनेक कॉलेजांनी शैक्षणिक वर्ष २०२१-२२साठी ऑनलाइन शिक्षणाची तयारी सुरू केली आहे. यंदा हे शिक्षण अधिक चांगले कसे होईल, यासाठी आमचा विशेष प्रयत्न असणार आहे असे कॉलेजचे प्राचार्य सांगतात. मागील वर्ष हे शिकण्याचे वर्ष आहे. मात्र यंदाचे वर्ष हे चांगले शिक्षण देण्याचे आहेत, असे मत वांद्र्यातील एका कॉलेजच्या प्राचार्यांनी नोंदविले. 'मागच्या वर्षी आमच्या प्राध्यापकांनी व्हॉट्सअॅपवर लिंक शेअर करणे, आभासी वर्गाची व्यवस्था आदीचे शिक्षण घेतले. त्यावेळेस काहींनी आढेवेढे घेत हे काम करण्यास नकार दिला. मात्र आता सर्व शिक्षक हे काम आनंदाने करू लागले आहेत. सरकारच्या नियमांनुसार कॉलेजांमध्ये ५० टक्के उपस्थितीला परवानगी होती. पुढील वर्षी तशी परिस्थिती असेल तर कॉलेजमध्ये एक आभासी वर्ग उभा करण्यात आला आहे. त्या माध्यमातून आम्ही विद्यार्थ्यांना चांगल्या दर्जाचे शिक्षण देऊ', असे चर्चगेट येथील एका कॉलेजच्या प्राचार्यांनी सांगितले. मागच्यावर्षी शिक्षकांची मानसिकता बदलण्यासपासून ते अनेक विषयांवर आम्हाला मेहतन घ्यावी लागली. मात्र आता शिक्षक यामध्ये इतके रमले आहेत की तेच नवनवीन सॉफ्टवेअर, वेगवेगळे टूल्स घेऊन विद्यार्थ्यांना ज्ञान देत आहेत. तसेच एका शिक्षकाने वापरलेले टूल दुसऱ्या शिक्षक सहज वापरू लागले आहेत. यासाठी कॉलेजांनी शिक्षकांसाठी विविध स्पर्धा आणि प्रोत्साहन उपक्रमाचे आयोजन केले होते. याचे हे फलित असल्याचे हे प्राचार्य सांगतात. शिक्षकांसाठी कार्यशाळा ऑनलाइन शिक्षणावर विविध मोफत कार्यशाळा उपलब्ध आहेत. या माध्यमातून शिक्षकांचे प्रबोधन करण्याचे काम अनेक कॉलेजांच्या माध्यमातून होत आहे. यामध्ये विविध सॉफ्टवेअरचे शिक्षण देण्यापासून ते इतर नवीन टूल्स शिकविल्या जात आहेत. उत्तम दर्जाचे सॉफ्टवेअर गतवर्षी अनेक कॉलेजांनी मोफत उपलब्ध असलेल्या सॉफ्टवेअरचा वापर करून शिक्षण दिले मात्र आता विद्यार्थ्यांना चांगल्या दर्जाचे शिक्षण मिळावे, यासाठी संस्था खर्च करून काही सॉफ्टवेअर विकत घेणार आहेत. यामुळे पुढील शैक्षणिक वर्षाचे अधिक चांगले आणि सक्षम होईल, असा अंदाज व्यक्त होत आहे. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/32zauwT
via IFTTT