पालिकेच्या सीबीएसई शाळेत १,२८२ विद्यार्थ्यांना प्रवेश

म. टा. विशेष प्रतिनिधी, मुंबई शैक्षणिक गुणवत्ता सुधारण्यासाठी महापालिका शिक्षण विभागाने यंदापासून सुरू केलेल्या शाळांच्या प्रवेशाची पहिली लॉटरी गुरुवारी जाहीर करण्यात आली. यामध्ये १,२८२ विद्यार्थ्यांना प्रवेश मिळाला आहे. या प्रक्रियेत नवीन १० शाळांमध्ये असलेल्या तीन हजार ७६० जागांसाठी तब्बल नऊ हजार ५२३ विद्यार्थ्यांचे प्रवेशअर्ज आले होते. मुंबई महापालिकेच्या सीबीएसईच्या १० शाळांमध्ये यंदा छोटा-शिशू, मोठा-शिशू, पहिली, दुसरी, तिसरी, चौथी, पाचवी, सहावी आणि सातवी या वर्गात प्रवेश करण्यासाठी ऑनलाइन अर्ज मागवले होते. महापालिका शिक्षण विभागाने मागील वर्षी याच धर्तीवर दोन शाळा सुरू केल्या होत्या. यंदा १० शाळा वाढवल्या आहेत. या शाळा मुंबई पब्लिक स्कूल नावाने सुरू करण्यात आल्या आहेत. गरीब विद्यार्थ्याना सीबीएसईच्या धर्तीवर गुणवत्तापूर्ण शिक्षण मिळावे, यासाठी हा वेगळा उपक्रम सुरू करण्यात आला असल्याचे सांगण्यात येत आहे. या शाळांमध्ये ऑनलाइन अर्जासाठी सुरुवातीला १८ मार्चपर्यंत मुदत होती. पालकांकडून मिळणारा उत्तम प्रतिसाद आणि त्यांच्या मागणीमुळे ही मुदत २४ मार्चपर्यंत वाढवली होती. यानंतर अर्जांची छाननी करून गुरुवारी लॉटरी जाहीर करण्यात आली. यात नर्सरीसाठी २०३, तर छोटी शिशूसाठी सर्वाधिक २०४ विद्यार्थ्यांना प्रवेश मिळाला आहे. तर सहावीसाठी ९७ आणि सातवीसाठी तीन विद्यार्थ्यांना प्रवेश मिळाला आहे. सर्वाधिक प्रत्येकी ३०६ प्रवेश हे सीबीएसईच्या मुंबई पब्लिक स्कूल - प्रतीक्षानगर (जोगेश्वरी पश्चिम) आणि मुंबई पब्लिक स्कूल हरियाली (विक्रोळी) या दोन शाळांसाठी झाले आहेत. उर्वरित जागांच्या प्रवेशासाठी पुन्हा लॉटरी काढण्यात येणार आहे, असे पालिका शिक्षण विभागाने स्पष्ट केले आहे. शाळानिहाय प्रवेश मुंबई पब्लिक स्कूल - प्रतीक्षानगर (जोगेश्वरी पश्चिम) - ३०६ मुंबई पब्लिक स्कूल - मिठागर (मुलुंड पश्चिम) - २५८ मुंबई पब्लिक स्कूल हरियाली (विक्रोळी) - ३०६ मुंबई पब्लिक स्कूल - भवानी शंकर मार्ग (दादर) - २६३ मुंबई पब्लिक स्कूल, पूनमनगर (जोगेश्वरी पूर्व) - ७७ मुंबई पब्लिक स्कूल, वूलन मिल (माहीम) - ७२ वर्गनिहाय प्रवेश क्षमता व आलेले अर्ज वर्ग -- प्रवेशअर्ज -- उपलब्ध जागा -- प्रवेश नर्सरी -- ७१५ --४८० --२०३ ज्यु. केजी --२५२३ --४८० --२०४ सि. केजी --१४२१ --४०० --१३६ पहिली --१७१६ --४०० --१३६ दुसरी --८४४ --४०० --१३३ तिसरी --७१० --४०० --१२१ चौथी --६२३ --४००-- १३५ पाचवी --५७६ --४००-- ११४ सहावी --३९५ --४०० --९७

from Career News in Marathi: Career News, मराठी Career बातम्या | Maharashtra Times https://ift.tt/3dnrD36
via IFTTT