CBSE Board Exam:बारावी मूल्यमापन पद्धतीच्या निकालाचा निर्णय कुठपर्यंत? जाणून घ्या

Board Exams:केंद्रीय माध्यमिक शिक्षण मंडळ (CBSE)च्या समितीचा निर्णय येणे बाकी आहे. सुत्रांनी यासंदर्भात माहिती दिली. करोना प्रादुर्भावामुळे सीबीएसई बोर्डाच्या बारावीची परीक्षा रद्द करण्याचा निर्णय घेण्यात आला. त्यानंतर वैकल्पिक मूल्यांकन प्रक्रियेवर निर्णय घेण्यासाठी १३ सदस्यीय समिती सोमवारी (१४ जून) आपला अहवाल देणार होती. आता यासाठी आणखी काही दिवस लागू शकतात अशी माहिती समोर येतेय. समितीने अद्याप आपला अहवाल सोपावला नाही. पारदर्शी आणि निष्पक्ष पद्धतीने बऱ्याच चर्चा झाल्या आहेत. पण अंतिम निर्णय लवकरच घेतला जाईल असे एका सुत्राने सांगितले. समितीचे बहुतांश सदस्य दहावी आणि अकरावीमध्ये मिळालेल्या गुणांना महत्व देणे आणि बारावीच्या प्री बोर्ड तसेच अंतर्गत परीक्षांना आधार बनवण्याच्या बाजुचे आहेत. तरीही अंतिम निर्णय येणे बाकी आहे. काही दिवसातच रिपोर्ट येईल असेही एका सुत्राने सांगितले. सेंट्रल माध्यमिक शिक्षण बोर्ड (सीबीएसई) बारावी विद्यार्थ्यांची मूल्यांकन पद्धत आज १४ जून रोजी जाहीर करण्याची शक्यता होती. बारावी मूल्यांकन पद्धत २०२१ च्या आधारे केंद्रीय बोर्डाशी संबंधित देशभरातील विद्यार्थ्यांचे शैक्षणिक वर्ष २०२०-२१ साठी मूल्यांकन केले जाणार आहे. शिक्षण मंत्रालय (Education Ministry) च्या सूत्रांनुसार, सीबीएसई रिझल्ट एक्सपर्ट कमेटी दहावी, अकरावी आणि बारावी या तीन वर्गांच्या परफॉर्मन्सना बारावी बोर्ड परीक्षा २०२१ (CBSE 12th evaluation 2021) आधार बनवण्यावर विचार करत आहे. त्यानुसार, विद्यार्थ्यांना दहावी बोर्डमध्ये त्यांचा परफॉर्मन्स अकरावीची फायनल परीक्षा आणि बारावी प्री बोर्ड परीक्षेतील परफॉर्मन्सच्या आधारे दिले जातील. हा प्रस्ताव लागू झाला तर या वर्षी सीबीएसई बारावी बोर्डाच्या विद्यार्थ्यांचे मुल्यांकन १)दहावी बोर्ड परीक्षा, २) अकरावी अंतिम परीक्षा आणि ३)बारावी बोर्ड परीक्षा या तीन चाचणींच्या आधारे होईल. पण या कंपोनेंटला काय वेटेज (किती गुण) दिले जाणार यावर अंतिम निर्णय होणे बाकी आहे. थिअरीचे एकूण ७० गुण असणार आहेत. केंद्र सरकारने १ जूनला सीबीएसई बारावी बोर्ड परीक्षा रद्द करण्याचा निर्णय घेतला होता. त्यानंतर सर्वोच्च न्यायालयाने (Supreme Court) सीबीएसईला क्लास १२ मार्किंग स्कीम आणि इव्हॅल्युएशन प्रोसेसची डिटेल सबमिट करण्यासाठी दोन आठवड्यांचा वेळ दिला. दोन-दिवसांच्या आत सीबीएसई बोर्ड(CBSE Board) मार्किंग पॅटर्नची माहिती कोर्टाला दिली जाईल. इव्हॅल्यूएशन पॅटर्नची संपूर्ण माहिती बोर्डचे संकेतस्थळ cbse.nic.in वर देखील देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/2RVDCNf
via IFTTT