CBSE बारावी रिझल्टवर नाराज विद्यार्थ्यांसाठी शिक्षणमंत्र्यांची महत्वाची माहिती

12th result 2021: सीबीएसईच्या बारावीची परीक्षा रद्द (CBSE 12th std Result Cancelled) झाल्यानंतर मूल्यांकन पद्धतीनुसार हा निकाल जाहीर होणार आहे. यासाठी सीबीएसईने मूल्यांकन पद्धत जाहीर केली आहे. बारावीच्या विद्यार्थ्यांचा योग्यतेनुसार रिझल्ट जाहीर होणार आहे. पण या मूल्यांकन पद्धतीवर नाराज असलेल्या विद्यार्थ्यांसाठी यांनी महत्वाचा निर्णय जाहीर केला आहे. सीबीएसई बारावीच्या ज्या विद्यार्थ्यांना परीक्षा द्याायची आहे त्यांच्यासाठी ऑगस्ट महिन्यात परीक्षेचे आयोजन केले जाईल असे केंद्रीय शिक्षणमंत्री रमेश पोखरियाल यांनी सांगितले. सोशल मीडियाच्या माध्यमातून त्यांनी यासंदर्भातील माहिती जाहीर केली. विद्यार्थ्यांचे आरोग्य आणि सुरक्षा ध्यानात ठेवून पंतप्रधान नरेंद्र मोदी यांनी सीबीएसई बारावीची परीक्षा रद्द करण्याचा निर्णय घेतला आहे. पण अनेक विद्यार्थ्यांच्या मनात अजूनही शंका आहेत. जर तुम्ही मूल्यांकन पद्धतीवर खूष नसाल तरी काळजी करु नका. तुमच्यासाठी आम्ही वैकल्पिक परीक्षा करणार आहोत असे केंद्रीय शिक्षणमंत्री म्हणाले. आपल्या योग्यतेसोबत न्याय झाला नाही असे ज्या विद्यार्थ्यांना वाटते त्यांच्या योग्यतेसोबत न्याय होईल असे पोखरियाल म्हणाले. परिस्थिती जशी सामान्य होईल तशी आम्ही विद्यार्थ्यांसाठी ऑगस्टमध्ये परीक्षा घेऊ. त्यामुळे मनात कोणतीही शंका ठेवण्याची आवश्यकता नाही असे पोखरियाल म्हणाले. 'तुमची सुरक्षा, आरोग्य, भविष्य आमची प्राथमिकता' मी सातत्याने तुमच्याशी संवाद साधत आहे. तुम्हाल विश्वास देतो की तुमची सुरक्षा, आरोग्य, भविष्य आमची प्राथमिकता आहे. सोशल मीडियावर खूप सारे विद्यार्थी आपले प्रश्न उपस्थित करत आहेत. त्यांना या प्रश्नांची उत्तरे शिक्षणमंत्र्यांकडून हवी आहेत असे ते म्हणाले. सीबीएसई बारावीने रिझल्ट तयार करण्याची प्रक्रिया सुरु केली आहे. यासाठी सीबीएसई शाळांना निर्देश देण्यात आले आहेत. विद्यार्थ्यांनी अकरावीमध्ये मिळालेल्या गुण शाळांनी ३० जूनपर्यंत अपलोड केले आहेत. याशिवाय सीबीएसईने शाळांना प्रॅक्टीकल आणि प्रोजेक्टचे गुण ५ जुलैपर्यंत अपलोड करण्यास सांगितले होते.

from Career News in Marathi: Career News, मराठी Career बातम्या | Maharashtra Times https://ift.tt/3Auu65e
via IFTTT