ICSE Results 2021: महाराष्ट्राचा आयसीएसई बोर्डाचा दहावीचा निकाल १०० टक्के!

ICSE Results 2021: इंडियन स्कूल सर्टिफिकेट एक्झामिनेशन्स (CISCE) अर्थात आयसीएसई (ICSE) बोर्डाचे इयत्ता दहावी आणि बारावीच्या परीक्षांचे निकाल जाहीर झाले आहेत. या निकालानुसार दहावीचे ९९.९८ टक्के विद्यार्थी उत्तीर्ण झाले तर बारावीची उत्तीर्णतेची टक्केवारी ९९.७६ आहे. करोनाच्या पार्श्वभूमीवर परीक्षा रद्द झाल्याने विशिष्ट सूत्र आणि अंतर्गत मूल्यमापनाच्या आधारे या विद्यार्थ्यांना गुण देण्यात आले आहेत. दरम्यान आयसीएसई आणि आयएससीने राज्यानिहाय निकाल जाहीर केले आहेत. यामध्ये महाराष्ट्राचा शंभर टक्के लागला आहे. महाराष्ट्रात दहावीसाठी २३४ शाळांमधून एकूण २४ हजार ३५९ विद्यार्थी होते. यामध्ये १३ हजार ३१४ विद्यार्थी आणि ११ हजार४५ विद्यार्थीनींचा समावेश होता. यामध्ये मुलींचे पास होण्याचे प्रमाण हे शंभर टक्के आहे. तर मुलांचे पास होण्याचे प्रमाण हे ९९.९९ टक्के आहे. १३ हजार ३१३ विद्यार्थी पास झाले आहेत. आयसीएसई विशेष कॅटगरीचा निकाल देखील शंभर टक्के लागला आहे. अनुसूचित जाती प्रवर्गातील ९८० विद्यार्थी पास झाले. अनुसूचित जमातीतील १८७ विद्यार्थी पास झाले. तर इतर मागास वर्गातील देखील २ हजार ४८६ विद्यार्थ्यांपैकी सर्व विद्यार्थी पास झाले आहेत. राज्यात बारावीसाठी ५३ शाळातील ३ हजार ४२७ विद्यार्थी होते. यामध्ये १ हजार ६५० मुलं आणि १ हजार ७७७ मुलींचा समावेश आहे. महाराष्ट्राचा निकाल हा ९९.९४ टक्के लागला आहे. यामध्ये मुलींचा निकाल हा शंभर टक्के तर मुलांचा निकाल ९९.८८ टक्के इतका लागला आहे. मुलांमध्ये १ हजार ६४८ जण पास झाले आहेत. विशेष कॅटगरीमध्ये अनुसूचित जाती प्रवर्गातील ६६ विद्यार्थ्यांचा निकाल शंभर टक्के लागला आहे. अनुसूचित जमाती प्रवर्गातील ३० विद्यार्थ्यांमध्ये ९६.६७ टक्के निकाल लागला आहे. तर इतर मागास वर्गातील १९० विद्यार्थ्यांचा निकाल शंभर टक्के लागला आहे. दहावीचा निकाल पाहण्यासाठी तुम्ही पुढील स्टेप्स फॉलो करु शकता.आपल्या मोबाइलमध्ये मेसेजच्या इनबॉक्समध्ये जाऊन न्यू मेसेजमध्ये ICSE असं लिहून त्यापुढे आपला सात अंकी युनिक आयडी टाइप करा. आता हा मेसेज -०९२४८०८२८८३ - या क्रमांकावर पाठवा. बारावीचा निकाल पाहण्यासाठी तुम्ही पुढे दिलेल्या स्टेप्स फॉलो करा. आपल्या मोबाइलमध्ये मेसेजच्या इनबॉक्समध्ये जाऊन न्यू मेसेजमध्ये ISC असं लिहून त्यापुढे आपला सात अंकी युनिक आयडी टाइप करा. आता हा मेसेज -०९२४८०८२८८३ - या क्रमांकावर पाठवा.

from Career News in Marathi: Career News, मराठी Career बातम्या | Maharashtra Times https://ift.tt/2UAgR2V
via IFTTT