IRCTC: बेरोजगारांना रेल्वेतर्फे व्यवसायाची संधी, जाणून घ्या

agent: सध्या असून कमाईची शोधात असणाऱ्यांसाठी रेल्वेतर्फे सुवर्णसंधी मिळणार आहे. आयआरसीटीसी (भारतीय खानपान आणि पर्यटन विभाग) एजंट बनून चांगली कमाई करु शकता. आयआरसीटीसी भारतीय रेल्वेतर्फे तिकिट बुकिंग सहित अन्य सेवा पुरवल्या जातात. रेल्वे ट्रॅव्हल सर्व्हिस एजंटच्या (Railway travel Service Agent) माध्यमातून तुम्ही आयआरसीटीसीसोबत जोडले जाऊ शकता. रेल्वे ट्रॅव्हल सर्व्हिस एजंट बनून तुम्ही सर्व प्रकारच्या तिकिट बुकिंग करु शकता. यावर तुम्हाला आकर्षक असे कमीशन मिळेल. तुम्हाला सर्व प्रकारच्या ऑनलाइन तिकिट बुकिंग करण्याची सुविधा मिळेल. उत्पन्न यामध्ये तुम्ही जितक्या तिकिट बुकिंग कराल तितके कमिशन मिळवू शकता. यासाठी तुम्हाला थोडी मेहनत केली तर महिना ५० हजार रुपये कमावता येतील. शैक्षणिक आर्हता यासाठी तुम्हाला बारावी पास असणे गरजेचे आहे. अर्ज शुल्क तुम्ही हे काम करण्यास इच्छुक असाल तर आयआरसीटीसीच्या वेबसाइटवर जाऊन अर्ज करु शकता.यासाठी आधी तुम्हाला ३० हजार रुपये जमा करावे लागतील. हे शुल्क डिमांड ड्राफ्टने आयआरसीटीसीच्या नावे जमा करावे लागेल. यानंतर दरवर्षी नुतनीकरणासाठी तुम्हाला पाच हजार रुपये भरावे लागतील. जेव्हा तुम्ही हे काम थांबवाल तेव्हा ३० हजार रुपये परत दिले जातील. महत्वाची कागदपत्र एजंट बनण्यासाठी तुमच्याकडे पॅनकार्ड, आधार कार्ड आणि पासपोर्ट साइज फोटोसहित मोबाइल नंबर आणि ईमेल आयडी टाकावा लागेल. अर्ज केल्यानंतर मिळेल प्रशिक्षण तुम्ही ३० हजार रुपयांचे शुल्क भरले की लगेच कामाला सुरुवात असे होणार नाही. एजंट बनल्यानंतर तुम्हाला आयआरसीटीसीतर्फे प्रशिक्षण दिले जाईल. एक ट्रेनिंग किट दिले जाईल. ज्यामध्ये रेल्वेची ऑनलाइन तिकिट कशी बुकिंग करायची याचे प्रशिक्षण दिले जाईल. कशा पद्धतीने तुम्हाला तिकिटवर कमिशन मिळेल हेदेखील सांगितले जाईल. कोणत्या तिकिट तुम्ही बुकिंग करु शकत नाही याची माहिती देखील देण्यात येईल. तसेच तिकिट रद्द करण्याची माहिती देखील या प्रशिक्षणादरम्यान दिली जाईल.

from Career News in Marathi: Career News, मराठी Career बातम्या | Maharashtra Times https://ift.tt/3kSGlTB
via IFTTT