VSSC Recruitment 2021: विक्रम साराभाई अंतराळ केंद्रात नोकरीची संधी, ४ ऑगस्टपर्यंत करा अर्ज

VSSC Recruitment 2021: भारतीय अंतराळ अनुसंधान क्षेत्रात काम करण्यासाठी इच्छुक उमेदवारांसाठी महत्वाची बातमी आहे. भारत सरकारच्या अंतराळ विभागाअंतर्गत येणाऱ्या विक्रम साराभाई अंतराळ केंद्रात (VSSC) वर्ष २०२१-२२ साठी तंत्रज्ञ प्रशिक्षणार्थी पदांची भरती होणार आहे. अंतराळ केंद्राद्वारे २६ जुलैला जाहीर केलेल्या जाहिरातीनुसार विविध विभागांमध्ये टेक्निशिअन प्रशिक्षणार्थी (डिप्लोमा धारक) पदांसाठी इच्छुक आणि पात्र उमेदवारांकडून अर्ज मागविण्यात येत आहे. या रिक्त जागांमध्ये ऑटोमोबाइल इंजिनीअरिंग, केमिकल इंजिनीअरिंग, सिव्हिल इंजिनीअरिंग, कॉम्प्युटर विज्ञान/इंजिनीअरिंग, विद्युत इंजिनीअरिंग, इलेक्ट्रीकल इंजिनीअरिंग, उपकरण औद्योगिक आणि यांत्रिक इंजिनीअरिंग यांचा समावेश आहे. असा करा अर्ज इच्छुक आणि पात्र उमेदवारांना विक्रम साराभाई अंतराळ केंद्राची अधिकृत वेबसाइट vssc.gov.in वर ऑनलाइन फॉर्म उपलब्ध करुन देण्यात आला आहे. या माध्यमातून ते अर्ज करु शकतात. अर्ज प्रक्रिया २६ जुलै २०२१ ला सकाळी १० वाजता सुरु होणार आहे. उमेदवारांना ४ ऑगस्ट २०२१ संध्याकाळी ५ वाजेपर्यंत अर्ज करता येणार आहे. यानंतर आलेल्या अर्जाचा स्वीकार केला जाणार नाही. तसेच अर्ज करण्यासाठी वापरण्यात येणारा ईमेल आयडी एक्टीव्ह असावा याची काळजी उमेदवारांनी घ्यायला हवी. कोण करु शकेल अर्ज ? (VSSC)मध्ये टेक्निशिअन पदासाठी इच्छुक उमेदवारांकडे कोणत्याही मान्यताप्राप्त संस्थेतून ६० टक्के गुणांसह इंजिनीअरिंगचा तीन वर्षांचा डिप्लोमा असणे गरजेचे आहे. ऑक्टोबर २०१८ च्या आधी डिप्लोमा उत्तीर्ण करणारे, डिप्लोमाच्या शेवटच्या वर्षात शिक्षण घेणारे आणि निकालाची वाट पाहणारे विद्यार्थी यासाठी अर्ज करु शकतात. यासाठी उमेदवाराचे वय हे ४ ऑगस्ट २०२१ ला ३० वर्षांपेक्षा अधिक नसावे. ओबीसी उमेदवारांना वयोमर्यादेमध्ये ३३ वर्षांपर्यंत सवलत देण्यात आली आहे. तर एससी/एसटी उमेदवारांसाठी ३५ वर्षांची वयोमर्यादा असणार आहे. जाहिरातीमध्ये याबद्दल सविस्तर माहिती देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3xggFDi
via IFTTT