यूपीएससी सीडीएस (2) परीक्षेसाठी अधिसूचना कधी? जाणून घ्या...

Notification 2021: परीक्षेची तयारी करत असलेल्या उमेदवारांसाठी एक महत्त्वाची बातमी आहे. केंद्रीय लोकसेवा आयोग (UPSC) द्वारे संयुक्त संरक्षण सेवा परीक्षा (कंबाइंड डिफेन्स सर्व्हिस, सीडीएस) (2) 2021 साठी नोटिफिकेशन ४ ऑगस्ट २०२१ रोजी जारी केले जाईल. आयोगा द्वारे वर्ष २०२१ साठी जारी करण्यात आलेल्या वेळापत्रकानुसार, यूपीएससी सीडीएस (2) परीक्षेसाठी 2021 अधिसूचना जारी झाल्यानंतर अर्ज प्रक्रिया देखील ४ ऑगस्ट २०२१ पासून सुरू होईल. उमेदवार २४ ऑगस्ट २०२१ पर्यंत अर्ज करू शकतील. यूपीएससी ने सीडीएस (2) परीक्षेचे आयोजन १४ नोव्हेंबर २०२१ रोजी केले जाणार आहे. यूपीएससी द्वारे सीडीएस परीक्षेचे आयोजन भारतीय सैन्य अकादमी, देहरादून; भारतीय नौसेना अकादमी, इझीमाला; वायु सेना अकादमी, हैदराबाद; अधिकारी प्रशिक्षण अकादमी, चेन्नई आणि अधिकारी प्रशिक्षण अकादमी, चेन्नई मधील प्रवेशांसाठी केले जाते. २०२१ या शैक्षणिक वर्षाच्या पहिल्या सीडीएस परीक्षेसाठी ऑक्टोबर २०२० मध्ये नोटिफिकेशन जारी करण्यात आले होते. कोण करू शकेल अर्ज? यूपीएससी सीडीएस परीक्षेच्या वर्ष २०२० मधील भरती अधिसूचनेनुसार भारतीय सैन्य अकादमीसाठी कोणत्याही मान्यता प्राप्त विद्यापीठातून पदवी किंवा समकक्ष योग्यता असणारा उमेदवार अर्ज करण्यात पात्र आहे. तर भारतीय नौसेना अकादमीतील प्रवेशासाठी इंजिनीअरिंगमधील पदवी आवश्यक आहे आणि वायु सेना अकादमीसाठी १०+२ स्तरावर गणित आणि भौतिकशास्त्र विषयांसह इंजिनीअरिंगची पदवी आवश्यक आहे. याव्यतिरिक्त उमेदवारांची वयोमर्यादा २० ते २४ वर्षांदरम्यान असावी. अधिक माहितीसाठी यूपीएससी सीडीएस (2) नोटिफिकेशन 2021 पाहावे. अर्ज प्रक्रिया आणि शुल्क अर्ज करण्यास इच्छुक उमेदवार आयोगाची अधिकृत वेबसाइट, upsc.gov.in वर यूपीएससी सीडीएस 2 नोटिफिकेशन 2021 जारी झाल्यानंतर डाउनलोड करू शकतील. यानंतर उमेदवार यूपीएससीचे अप्लीकेशन पोर्टल, upsconline.nic.in वर उपलब्ध फॉर्मच्या माध्यमातून ऑनलाइन अर्ज करू शकतील. अर्जासाठी उमेदवारांना २०० रुपये शुल्कदेखील भरावयाचे आहे.

from Career News in Marathi: Career News, मराठी Career बातम्या | Maharashtra Times https://ift.tt/37cHrSr
via IFTTT