राष्ट्रीय क्रेडिट गॅरंटी ट्रस्टी कंपनीमध्ये विविध पदांची भरती

NCGTC Recruitment 2021: मुंबईच्या राष्ट्रीय क्रेडिट गॅरंटी ट्रस्टी कंपनीच्या प्रशासकीय विभागात विविध पदांच्या एकूण ११ जागा भरण्यात येणार आहेत. यासाठी अधिकृत वेबसाइटवर नोटिफिकेशन जाहीर करण्यात आले आहे. पदासाठी लागणारी शैक्षणिक पात्रता, वयोमर्यादा, अनुभव, पगार यांचा सविस्तर तपशील नोटिफिकेशनमध्ये देण्यात आला आहे. इच्छुक आणि पात्र उमेदवारांकडून ऑनलाइन माध्यमातून अर्ज मागविण्यात आले आहेत. या पदभरती अंतर्गत विविध पदांच्या एकूण ११ जागा भरण्यात येणार आहेत. त्यामध्ये सहाय्यक महाव्यवस्थापकची (Assistant General Manager), व्यवस्थापक-ऑपरेशनल (Manager Operations), जोखीम (Risk), व्यवसाय विश्लेषक (Manager - Business Analyst) कायदेशीर (Manager - Legal) ही पदे भरली जाणार आहेत. या पदांसाठी निवड झालेल्या उमेदवारास १८ ते २४ लाख रुपयांपर्यंत पगार मिळणार आहे. तसेच सहाय्यक व्यवस्थापक अंतर्गत(Assistant Manager) -ऑपरेशन (Assistant Manager Operations), गुंतवणूक (Assistant Manager Investments), आयटी (Assistant Manager -IT) पदांच्या समावेश आहे. या पदासाठी ६ लाख ते ९ लाख ५० हजार पर्यंत पगार मिळणार आहे. यासाठी लागणाऱ्या शैक्षणिक पात्रतेची सविस्तर माहिती नोटिफिकेशनमध्ये देण्यात आली आहे. उमेदवारांनी नोटिफिकेशनसोबत दिलेल्या अर्ज नमुन्यानुसार आपला अर्ज recruitments@ncgtc.in या ईमेल आयवडीवर पाठवायचा आहे. अर्ज करण्यापूर्वी नोटिफिकेशन काळजीपूर्वक वाचणे गरजेचे आहे. अर्जामध्ये काही चूक आढळल्यास अर्ज बाद करण्यात येईल. तसेच अर्जाची हार्डकॉपी सीईओ, एनसीजीटीसी, स्वावलंबन भवन, सी -11, जी-ब्लॉक, वांद्रे-कुर्ला कॉम्प्लेक्स, वांद्रे (ई), मुंबई, पिनकोड- ४०००५१ या पत्त्यावर पाठवायची आहे. दिनांक २४ सप्टेंबर २०२१ पर्यंत ई-मेलद्वारे अर्ज करण्याची शेवटची तारीख आहे. यानंतर आलेल्या अर्जांचा स्वीकार केला जाणार नाही.

from Career News in Marathi: Career News, मराठी Career बातम्या | Maharashtra Times https://ift.tt/38dkSgX
via IFTTT