अकरावी प्रवेशाची गुणवत्ता यादी आज होणार जाहीर

म. टा. विशेष प्रतिनिधी, मुंबई अकरावी प्रवेशाची पहिली गुणवत्ता यादी आज, शुक्रवारी जाहीर करण्यात येणार आहे. अकरावी प्रवेशासाठी मुंबई विभागातील तब्बल तीन लाख २० हजार ७१० जागांसाठी दोन लाख ३७ हजार ३८३ विद्यार्थ्यांनीच नोंदणी केली होती. यातील अवघ्या दोन लाख दोन हजार ५८ विद्यार्थ्यांनी कॉलेज पसंतीचे पर्याय भरलेले आहेत. मुंबईसह राज्याच्या पाच महापालिका क्षेत्रांत सुरू असलेल्या अकरावी प्रवेशाची सर्वसाधारण यादी जाहीर झाली. यामध्ये ९९ टक्क्यांहून अधिक गुण मिळविलेल्या विद्यार्थ्यांनी सर्वाधिक पसंती विज्ञान शाखेच्या प्रवेशाला दिली आहे. सोमवारी जाहीर झालेल्या तात्पुरत्या गुणवत्ता यादीतून हे चित्र पाहावयास मिळाले. याची पहिली गुणवत्ता यादी आज, शुक्रवारी जाहीर होणार आहे. शिक्षण संचालनालयाकडून राज्यातील मुंबई महानगर क्षेत्र, पुणे, पिंपरी-चिंचवड, नाशिक, अमरावती आणि नागपूर या महापालिका क्षेत्रात असलेल्या अकरावीच्या ऑनलाइन प्रवेशाची सर्वसाधारण गुणवत्ता यादी जाहीर करण्यात आली आहे. यानंतर आता पहिली गुणवत्ता यादी शुक्रवारी जाहीर करण्यात येणार आहे. ११,६५३ विद्यार्थ्यांचे प्रवेश निश्चित सध्या सुरू असलेल्या कोटा प्रवेश प्रक्रियेत इन हाऊस, अल्पसंख्याक, व्यवस्थापन कोटा प्रवेश प्रक्रियेत ११,६५३ विद्यार्थ्यांचे प्रवेश निश्चित झाले आहेत. यामध्ये सर्वाधिक ७,२६८ प्रवेश हे अल्पसंख्याक विद्यार्थ्यांचे आहेत. इन हाऊस कोट्यातील जागांवर ४,१२८ विद्यार्थ्यांचे, तर व्यवस्थापन कोट्यातून २५७ प्रवेश निश्चित झाले आहेत. आतपर्यंत इन हाऊस कोट्यातील १,०५५ जागा; तर व्यवस्थापन कोट्यातील २४२ जागा ऑनलाइन प्रक्रियेत समाविष्ट करण्यात आल्या आहेत.

from Career News in Marathi: Career News, मराठी Career बातम्या | Maharashtra Times https://ift.tt/3sRaGE3
via IFTTT