दिल्ली विद्यापीठात विज्ञान शाखेतील विद्यार्थ्यांसाठी ऑफलाइन वर्गास परवानगी

Delhi University : दिल्ली विद्यापीठाने १६ ऑगस्टपासून विज्ञान शाखेतील विद्यार्थ्यांसाठी सुरु करण्याचा निर्णय घेतला आहे. प्रॅक्टीकल वर्कसाठी हे वर्ग सुरु असले तरी थेअरीचा अभ्यास ऑनलाइन वर्गातूनच होणार आहे. विद्यापीठातर्फे ही माहिती देण्यात आली. विद्यापीठातर्फे देण्यात आलेल्या माहितीनुसार, करोना केसेसमध्ये कमी आल्याने विज्ञान शाखेतील प्रॅक्टीकल संबंधी कामासाठी कॉलेजमध्ये १६ जूनपासून ऑफलाइन वर्ग सुरु करण्यास परवानगी देण्यात आली आहे. यावेळी करोना प्रतिबंध नियमंचे पालन केले जाणार आहे. इतर शैक्षणिक अभ्यासक्रम ऑनलाइन माध्यमातून सुरु राहणार आहेत. विद्यापीठातर्फे विज्ञान शाखेच्या विद्यार्थ्यांसाठी ऑफलाइन वर्ग सुरु होण्याची शक्यता रजिस्टार विकास गुप्ता यांनी व्यक्त केली होती. शुल्कात वाढ नाही करोनाच्या पार्श्वभूमीवर विद्यापीठाअंतर्गत येणाऱ्या सर्व कॉलेजमधील प्रवेश घेणाऱ्या विद्यार्थ्यांच्या शुल्कात कोणती वाढ करण्यात येणार नसल्याचे दिल्ली विद्यापीठातर्फे सांगण्यात आले आहे. करोनाचा परिणाम सर्व क्षेत्रांप्रमाणे शैक्षणिक क्षेत्रावर देखील झाला. अनेकांच्या नोकऱ्या गेल्या तसेच व्यवसाय बंद झाले. अशावेळी विद्यापीठात शिक्षण घेणाऱ्या विद्यार्थ्यांच्या पालकांवर आर्थिक भार पडू नये यासाठी हा निर्णय घेण्यात आला आहे. अर्ज मागे घेतल्यावर पूर्ण शुल्क परत दिल्ली विद्यापीठातर्फे 'डीयू प्रवेश २०२१' साठी शुल्कात वाढ न करण्याचा निर्णय घेऊन विद्यार्थ्यांना दिलासा देण्यात आला. मनासारख्या कॉलेजमध्ये प्रवेश मिळाल्यानंतर विद्यार्थ्याला विविध कॉलेजमध्ये घेतलेला प्रवेश मागे घ्यावा लागतो. अशावेळी त्याने जमा केलेले शुल्क परत केले जाणार आहे. ३१ ऑगस्टपर्यंत करा अर्ज देशभरातील विविध विद्यापीठ आणि कॉलेजांमध्ये यूजी, पीजी कोर्सेससाठी अर्ज मागविण्यात येत आहेत. यूजी कोर्सेससाठी अर्ज करण्यासाठी ३१ ऑगस्ट २०२१ ही शेवटची तारीख आहे. दिल्ली विद्यापीठातर्फे यूजी कोर्सेससाठी सोमवारी रात्री ८ वाजता अर्जाचे पोर्टल सुरु करण्यात आले. त्यानंतर विद्यापीठाच्या प्रवेश वेबसाइटवर उपलब्ध असलेल्या आकडेवारीनुसार मंगळवारी संध्याकाळी ५ वाजेपर्यंत ६४ हजार ९९४ अर्जदारांनी विविध कोर्सेससाठी नोंदणी केली होती. पोस्टग्रॅज्युएशन (PG) कोर्सेससाठी विद्यापीठातर्फे मंगळवारी संध्याकाळी ५ वाजता साधारण २० हजार जागांसाठी ७६ हजार १६० नोंदणी झाली. तर एमफील/पीएचडी साठी १० हजार ८३५ अर्ज आले आहेत. MPhil/PhD आणि PG कोर्सेससाठी अर्ज करण्याची प्रक्रिया २६ जुलैला सुरु झाली होती. तर या कोर्सेसना अर्ज करण्याची शेवटची तारीख २१ ऑगस्ट २०२१ आहे.

from Career News in Marathi: Career News, मराठी Career बातम्या | Maharashtra Times https://ift.tt/3lyg4ul
via IFTTT