GATE 2021 परीक्षेचे वेळापत्रक जाहीर; अभ्यासक्रम, नोंदणीविषयी सर्वकाही जाणून घ्या

GATE 2022 All Details: ग्रॅज्युएट अॅप्टीट्यूड टेस्ट इन इंजिनीअरिंग (GATE) २०२२ चे पूर्ण वेळापत्रक जाहीर करण्यात आले आहे. ही परीक्षा आयआयटीसहित इतर मोठ्या इंजिनीअरिंग संस्थांमध्ये एमटेक आणि पीएचडी कोर्सेसमध्ये प्रवेशासाठी महत्वाची असते. सरकारी स्कॉलरशिप आणि अप्रेंटिसशिप्सच्या पात्रतेसाठी ही परीक्षा आयोजित केली जाते. अनेक सरकारी नोकऱ्या देखील गेटमधील गुणांच्या आधारे (Govt Jobs on Gate score) दिल्या जातात. वर्ष २०२२ मध्ये ही परीक्षा आयआयटी खरगपूर (IIT kgp)च्या माध्यमातून आयोजित केली जात आहे. गेट परीक्षा २०२२ केव्हा होणार? यासाठी कशी नोंदणी करायची? याचे नोंदणी शुल्क काय आहे? या साऱ्याबद्दल जाणून घेऊया. date: गेट २०२२ परीक्षा केव्हा? गेट २०२२ परीक्षेचे आयोजन ५ फेब्रुवारी, ६ फेब्रुवारी, १२ फेब्रुवारी आणि १३ फेब्रुवारी २०२२ ला केले जाणार आहे. आयआयटी खरगपूरने दिलेल्या माहितीनुसार करोना प्रादुर्भावाच्या पार्श्वभूमीवर या वेळापत्रकामध्ये बदल देखील केला जाऊ शकतो. Gate 2022 schedule: पाहा संपूर्ण वेळापत्रक गेट २०२२ साठी ऑनलाइन नोंदणी सुरुवात- ३० ऑगस्ट २०२१ रेग्यूलर ऑनलाइन नोंदणीची शेवटची तारीख- २४ सप्टेंबर २०२१ लेट फीससहित नोंदणीची शेवटची तारीख- १ ऑक्टोबर २०२१ परीक्षेची तारीख-५,६,१२ आणि १३ फेब्रुवारी २०२२ गेट रिझल्टची तारीख- १७ मार्च २०२२ GATE 2022 registration: अशी करा नोंदणी गेट २०२२ नोंदणी प्रक्रिया ऑनलाइन पूर्ण करावी लागणार आहे. गेट २०२२ ची वेबसाइट gate.iitkgp.ac.in वर जावे लागेल. तुम्ही एक किंवा दोन पेपर्ससाठी अर्ज करु शकता. पण एकच अर्ज भरला जाईल. जर तुम्ही एकाहून अधिक अर्ज भरले तर स्वीकारले जाणार नाहीत. इतर अर्ज रद्द केले जातील आणि त्याचे शुल्क परत केले जाणार नाही. गेट २०२२ नोंदणी शुल्क एससी, एसटी, दिव्यांग आणि सर्व महिला उमेदवारांसाठी गेट अर्ज शुल्क ७५० रुपये आहे. लेट फीससहित एकूण फीस- १ हजार २५० रुपये इतर सर्व उमेदवारांसाठी अर्ज शुल्क- १ हजार ५०० रुपये लेट फीससहित २ हजार रुपये शुल्क भरावे लागेल.

from Career News in Marathi: Career News, मराठी Career बातम्या | Maharashtra Times https://ift.tt/3yrY5cK
via IFTTT