HSC Result 2021: कसा तयार होणार बारावीचा निकाल? जाणून घ्या

2021: महाराष्ट्र राज्य माध्यमिक आणि उच्च माध्यमिक शिक्षण मंडळाच्या बारावीचा निकाल विद्यार्थ्यांना दुपारी ४ वाजता पाहायला मिळणार आहे. अधिकृत वेबसाइटवर विद्यार्थ्यांना हा निकाल पाहता येईल. त्याआधी दुपारी २ वाजता मंडळातर्फे पत्रकार परिषद घेऊन विभागनिहाय रिझल्ट जाहीर करण्यात येईल. यावर्षी महाराष्ट्र एचएससी परीक्षा २०२१ साठी साधारण १६ लाख विद्यार्थ्यांनी नोंदणी केली आहे. या विद्यार्थ्यांचा निकाल अधिकृत वेबसाइट mahresults.nic.in वर जाहीर होणार आहे. वेबसाइट क्रॅश झाली तर काय? दहावी निकाल २०२१ च्यावेळी ही वेबसाइट बंद पडली होती. त्यामुळे महाराष्ट्र बोर्डाने हा प्रकार बारावी निकालाच्या बाबतीत होऊ नये याची काळजी घेतली आहे.निकाल पाहण्यासाठी विद्यार्थ्यांना मेसेज, ईमेल असे पर्याय दिले जाण्याची शक्यता आहे. यासंदर्भातील माहिती अधिकृत वेबसाइटच्या माध्यमातून किंवा शालेय शिक्षणमंत्री वर्षा गायकवाड स्वत: सोशल मीडियाच्या माध्यमातून देऊ शकतील. त्यामुळे विद्यार्थ्यांना याकडे लक्ष ठेवावे लागणार आहे. मागच्या इयत्तांचा विचार बारावीतील विद्यार्थ्यांचे मूल्यांकन करताना दहावी, अकरावी आणि बारावी अशा तीन वर्गांचे गुण विचारात घेण्यात आले आले. दहावी आणि अकरावीच्या लेखी परीक्षांचे प्रत्येकी ३० टक्के, तर बारावीचे ४० टक्के गुण गृहित धरण्यात आले आहेत. याशिवाय, बारावीचे अंतिम तोंडी परीक्षेचे गुणही विचारात घेतले गेले आहेत. अशी होती प्रक्रिया बारावीला असणाऱ्या विद्यार्थ्यांचे गुण संकेतस्थळावर अपलोड करण्यासाठी २३ जुलैपर्यंत मुदत देण्यात आली होती. त्यानंतर, याकरिता एक दिवसाची मुदतवाढही देण्यात आली. या कालावधीत बहुतांश नियमित विद्यार्थ्यांचे गुण संकेतस्थळावर अपलोड झाले होते. सुरुवातीला आलेल्या काही अडचणींनंतर बहुतांश ज्युनियर कॉलेजेसनी विद्यार्थ्यांचे गुण महाराष्ट्र माध्यमिक आणि उच्च माध्यमिक मंडळाकडे सादर केले. मागील वर्षी अनुत्तीर्ण झालेल्या विद्यार्थ्यांच्या गुणांसंदर्भातील काही अडचणी वगळल्यास बहुतांश विद्यार्थ्यांचे गुण अपलोड करण्यात आले. सर्व प्रक्रिया पूर्ण झाल्यानंतर २ ऑगस्टला संध्याकाळी निकालाची घोषणा करण्यात आली. बारावीचा निकाल पाहण्यासाठी अधिकृत वेबसाइट वर जा. यानंतर Maharashtra या लिंकवर क्लिक करा. यानंतर बारावीचा रोल नंबर टाकून सबमिट करा. यानंतर तुम्हाला बारावीचा निकाल २०२१ स्क्रीनवर दिसेल. भविष्यातील उपयोगासाठी प्रिंटआऊट काढून ठेवा.

from Career News in Marathi: Career News, मराठी Career बातम्या | Maharashtra Times https://ift.tt/37dvITD
via IFTTT