JEE Main चौथ्या सत्राच्या परीक्षेसाठी महत्वाचे निर्देश जाहीर

2021: नॅशनल टेस्टिंग एजन्सी (JEE) द्वारे इजिनीअरिंग परीक्षा २६ ऑगस्ट २०२१ पासून घेतली जाणार आहे. चौथ्या टप्प्याची परीक्षा २६, २७, ३१ ऑगस्ट, १ आणि २ सप्टेंबर २०२१ रोजी होणार असल्याची घोषणा NTA ने केली. यानंतर एनटीएने शनिवारी २१ ऑगस्ट रोजी परीक्षेसाठी अर्ज केलेल्या उमेदवारांसाठी प्रवेशपत्र जाहीर केले. ज्या उमेदवारांनी अद्याप त्यांचे प्रवेशपत्र डाउनलोड केले नाही ते अधिकृत वेबसाइट jeemain.nta.nic.in वर जाऊन ते डाउनलोड करू शकतात. उमेदवारांना प्रवेशपत्र डाउनलोड करण्यात कोणती अडचण येत असेल तर ते NTA द्वारे जाहीर केलेली वेबसाइट ०११-४०७५९००० वर कॉल करून किंवा jeemain@nta.ac.in या ईमेल आयडीद्वारे मदत मिळवू शकतात. जेईई मुख्य सत्र ४ प्रवेशपत्रासह, एनटीएने परीक्षेसंदर्भात अनेक सूचना देखील जाहीर केल्या आहेत. या सूचनांचे सर्व उमेदवारांनी पालन करणे अनिवार्य असणार आहे. जेईई मुख्य परीक्षा सीबीटी (कॉम्प्युटर आधारित टेस्ट) माध्यमातून घेतली जाणार आहे. जेईई मुख्य सत्र ४ साठी महत्वाचे निर्देश ऑनलाईन डाऊनलोड केलेल्या प्रवेशपत्रामध्ये काही त्रुटी असल्यास, कृपया NTA च्या हेल्पलाइनशी संपर्क साधा. प्रवेशपत्रासह उमेदवारांना एजन्सीने दिलेल्या पत्रावर सही करुन नेणे गरजेचे आहे. उमेदवारांना फोटो-आयडी (आधार कार्ड, मतदार आय-कार्ड इ.) सोबत ठेवावे लागेल. उमेदवाराने स्वतःसोबत लहान सॅनिटायझरची बाटली, एक बॉल पॉईंट पेन आणि प्रवेशपत्र सोबत ठेवावे मोबाईल फोन, ब्लूटूथ डिव्हाइस, डिजिटल घड्याळ, हेल्थ बॅंड आपल्यासोबत ठेवू नका. सर्व उमेदवारांनी प्रवेशपत्रावर दिलेली तारीख आणि वेळेवर केंद्रावर उपस्थित असणे आवश्यक आहे. योग्य सोशल डिस्टन्सिंग राखण्यासाठी उमेदवारांनी नियोजित वेळेपूर्वी परीक्षा केंद्रावर पोहोचणे गरजेचे आहे. परीक्षा हॉलमध्ये उमेदवारांना रफ शीटी दिली जाईल, जी त्यांना हॉलमध्ये दिलेल्या सूचनांनुसार बॉक्समध्ये टाकावी लागेल. उमेदवारांनी परीक्षा केंद्रात शूजऐवजी चप्पल घालणे चांगले. तसेच, हलक्या रंगाचे कपडे असल्यास उत्तम राहील. तसेच दागिन्यांना परवानगी नसेल. उमेदवारांची नोंदणी नोटिफिकेशनुसार जेईई मेन फेज ४ परीक्षा २०२१ साठी ७ लाखांहून अधिक उमेदवारांनी अर्ज केले आहेत. याआधी ही परीक्षा ५ ऑगस्ट रोजी घेण्यात येणार होती. अर्जाच्या तारखेत वाढ केल्यामुळे आता परीक्षा २६ ऑगस्टपासून घेण्यात येणार आहे. हॉलतिकिटावरच प्रवेश उमेदवारांना दिलेल्या स्लॉट आणि परीक्षेच्या तारखेचा तपशील जाहीर करण्यात येणाऱ्या प्रवेशपत्रावर असेल. उमेदवारांना त्यानुसार परीक्षा केंद्रावर जाण्याची परवानगी दिली जाईल. प्रवेश पत्राच्या आधारे परीक्षा केंद्रावर प्रवेश दिला जाईल. प्रवेश पत्र नसल्यास उमेदवारांना कोणत्याही परिस्थितीत प्रवेश दिला जाणार नाही. करोनाच्या पार्श्वभूमीवर प्रवेश पत्रावर दिशानिर्देश जाहीर करण्यात आले आहेत. उमेदवारांनी काळजीपूर्वक वाचणे गरजेचे आहे.

from Career News in Marathi: Career News, मराठी Career बातम्या | Maharashtra Times https://ift.tt/3B1R0Aq
via IFTTT