NEET PG प्रवेशांचे काऊन्सेलिंग वेळापत्रक जाहीर

PG Admission 2021: वैद्यकीय समुपदेशन समिती (MCC)ने वैद्यकीय पदव्युत्तर अभ्यासक्रमांचे काऊन्सेलिंग शेड्युल जाहीर केले आहे. जे उमेदवार पीजी अभ्यासक्रमांसाठी झालेली नॅशनल एलिजीबिलीटी कम एन्ट्रन्स टेस्ट (NEET)परीक्षेत पात्र ठरले आहेत, त्यांना या काउन्सेलिंगसाठी आधी नोंदणी करावी लागेल. mcc.nic.in वर जाऊन उमेदवार नोंदणी करू शकतात. अर्ज प्रक्रिया २० ऑगस्टपासून सुरू होणार आहे. अर्ज करण्यासाठी २४ ऑगस्ट २०२१ रोजी रात्री ११.५५ पर्यंत मु्दत आहे. उमेदवारांना त्यांच्या आवडीनुसार पसंतीक्रम द्यावे लागतील. यासाठी विंडो २१ ऑगस्ट ते २२ ऑगस्टपर्यंत ओपन राहील. सीट अॅलोकेशन २५ आणि २६ ऑगस्ट रोजी होईल. प्रवेशांची यादी २७ ऑगस्ट रोजी जाहीर केली जाणार आहे. प्रवेश मिळालेल्या महाविद्यालयात २८ ऑगस्ट ते १ सप्टेंबर या कालावधीत प्रवेश निश्चित करावा लागेल. उमेदवारांना कागदपत्रे पडताळणी, शुल्क आदी प्रक्रिया पूर्ण करावी लागेल. ही प्रक्रिया पूर्ण न केल्यास या उमेदवारांना मिळालेला प्रवेश पुढील फेरीसाठी खुला होईल. प्रवेशांची दुसरी फेरी ६ ते ९ सप्टेंबर २०२१ या कालावधीत होणार आहे. १४ ते १८ सप्टेंबर या कालावधीत प्रवेश निश्चित करायचे आहे. सर्व फेऱ्यांनंतरही जागा रिक्त राहिल्यास मॉप-अप राउंड होईल. याअंतर्गत रिक्त जागांची माहिती १८ सप्टेंबर रोजी जाहीर होईल. यासाठी २४ सप्टेंबर ते २७ सप्टेंबर दुपारी १२ वाजेपर्यंत नोंदणी होईल.

from Career News in Marathi: Career News, मराठी Career बातम्या | Maharashtra Times https://ift.tt/2VMTfIT
via IFTTT