SSC CGL Tier १ परीक्षेआधी होणार उमेदवारांची बायोमेट्रिक नोंदणी

Exam 2020: कर्मचारी निवड आयोगाने (SSC) १३ ऑगस्टपासून सुरु होणाऱ्या सीजीएल टियर १ परीक्षेसंदर्भात एक महत्त्वाची सूचना जाहीर केली आहे. आयोगाने गुरुवारी, १२ ऑगस्ट रोजी अधिकृत वेबसाईट ssc.nic.in वर CGL टियर १ परीक्षा २०२० संदर्भात नोटीस जाहीर केली आहे. या नोटीसनुसार, परीक्षेदरम्यान उमेदवारांची केली जाणार आहे. एसएससीने दिलेल्या सूचनेनुसार, 'संयुक्त पदवीधर स्तरीय परीक्षा २०२० आणि त्यानंतर घेण्यात येणाऱ्या कर्मचारी निवड आयोगाच्या परीक्षांना बसणाऱ्या उमेदवारांची बायोमेट्रिक नोंदणी १३ ऑगस्ट २०२१ (टियर १ सीजीएलई, २०२०) पासून सुरू केली जाणार आहे. डाव्या हाताचा अंगठा स्कॅन होणार SSC ने CGL टियर १ परीक्षेदरम्यान उमेदवारांच्या बायोमेट्रिक नोंदणीसाठी त्यांच्या डाव्या हाताच्या अंगठ्याचा ठसा बायोमेट्रिक कॅप्चर करण्याची घोषणा केली आहे. दरम्यान करोना महामारीच्या पार्श्वभूमीवर सीजीएल परीक्षेवेळी बायोमेट्रिक मशीनद्वारे उमेदवारांच्या नोंदणीसाठी डाव्या अंगठ्याच्या ठसा घेताना योग्य काळजी घेतली जाणार आहे. प्रत्येक वापरानंतर उमेदवारांचे हात आणि मशीन स्वच्छ केले जाईल असे आयोगाने स्पष्ट केले आहे. देशभरातील निर्धारित केंद्रांवर १३ ते २४ ऑगस्ट दरम्यान ऑनलाइन पद्धतीने ही परीक्षा घेण्यात येणार आहे. या परीक्षेसाठी साधारण १९ लाख उमेदवारांनी अर्ज केले आहेत. सुरक्षेच्या दृष्टिकोनातून आयोगातर्फे करोना प्रोटोकॉल अंतर्गत परीक्षा होणार आहे. उमेदवारांसाठी मार्गदर्शक सूचना परीक्षेत बसलेल्या सर्व उमेदवारांना फेस मास्क घालणे बंधनकारक असेल. परीक्षा केंद्रावर पोहोचल्यावर उमेदवारांना सोशल डिस्टन्सिंगचे नियम पाळावे लागतील. दोन उमेदवारांमध्ये ६ फूट अंतर असणे गरजेचे आहे. मुख्य गेटवर तसेच परीक्षा केंद्राच्या आत हँड सॅनिटायझेशनची सुविधा उपलब्ध असेल. हॉल तिकिट, फोटो आयडी परीक्षाकेंद्रावर दाखवण्यापूर्वी थर्मो गनने उमेदवारांच्या शरीराचे तापमान तपासले जाईल. परीक्षा अधिकारी उमेदवाराकडील महत्वाच्या कागदपत्रांची पडताळणी करतील त्यानंतर उमेदवार रजिस्ट्रेशन डेस्ककडे जाऊ शकतो. उमेदवार स्वत:च्या सुरक्षिततेसाठी हॅंडग्लोजचा उपयोग करु शकतात. रजिस्ट्रेशन डेस्कवर उमेदवाराचा फोटो काढला जाईल. सीबीटी माध्यमातून होणार परीक्षा एसएससी द्वारे सीजीएल टियर १ परीक्षेचे आयोजन सीबीटी ( कॉम्प्युटर बेस्ड टेस्ट) माध्यमातून केले जाणार आहे. परीक्षेसाठी एक तासांचा वेळ दिला जाणार आहे. परीक्षेमध्ये जनरल इंटेलीजन्स अॅण्ड रिजनिंग, जनरल अवेअरनेस, क्वांटिटेटीव्ह अॅप्टीट्यूड आणि इंग्रजी कॉम्प्रीहेंशन विषयाचे २५-२५ प्रश्न विचारले जातील. प्रत्येक प्रश्नाला २ गुण आहेत. प्रत्येक चुकीच्या उत्तरासाठी ०.५० गुणांचे निगेटीव्ह मार्कींग आहे.

from Career News in Marathi: Career News, मराठी Career बातम्या | Maharashtra Times https://ift.tt/3lXbOor
via IFTTT