AIMMS ऑक्टोबर परीक्षेचे वेळापत्रक जारी; अर्ज प्रक्रिया कधी... जाणून घ्या...

AIIMS : अखिल भारतीय आयुर्विज्ञान संस्था (AIIMS)एम्सने ऑक्टोबर २०२१ मध्ये प्रस्तावित MBBS व्यावसायिक परीक्षेचे वेळापत्रक जाहीर केले आहे. ७ ऑक्टोबर २०२१ रोजी संस्थेने जारी केलेल्या सुचनेनुसार, एमबीबीएस व्यावसायिक अभ्यासक्रमांची थिअरी परीक्षा २१ ऑक्टोबर ते २९ ऑक्टोबर २०२१ या कालावधीत होणार आहे. परीक्षा ठरलेल्या तारखांना तीन तासांच्या एकाच शिफ्टमध्ये घेतली जाईल. हे सत्र सकाळी ९.३० वाजता सुरू होईल. ही परीक्षा एम्स दिल्लीच्या परीक्षा विभागात घेतली जाणार आहे. लेखी परीक्षेनंतर एमबीबीएस व्यावसायिक प्रात्यक्षिक परीक्षा एम्सद्वारे घेतली जाईल. संस्थेने प्रात्यक्षिक परीक्षेसाठी ३० ऑक्टोबर ते ८ नोव्हेंबर २०२१ पर्यंतच्या तारखा निश्चित केल्या आहेत. परीक्षा शुल्क एम्स दिल्लीने ८ ऑक्टोबर २०२१ रोजी जारी केलेल्या आणखी एका परिपत्रकाद्वारे विद्यार्थ्यांना सांगितले आहे की त्यांना परीक्षेत बसण्यासाठी परीक्षा शुल्क भरावे लागेल. विद्यार्थी ऑनलाइन माध्यमातून परीक्षा शुल्क भरू शकतात. संस्थेने परीक्षा शुल्क भरण्याची अंतिम तारीख २० ऑक्टोबर २०२१ निश्चित केली आहे. विद्यार्थ्यांनी हे लक्षात घ्यावे की एम्सने आपल्या नोटिशीत म्हटले आहे की, २१ ऑक्टोबरपासून सुरू होणाऱ्या व्यावसायिक परीक्षेला बसण्यासाठी फक्त त्या विद्यार्थ्यांना प्रवेशपत्र दिले जातील ज्यांनी शेवटच्या तारखेला म्हणजेच २० ऑक्टोबर २०२१ पर्यंत परीक्षा शुल्क भरले आहे. त्याच वेळी, ज्या उमेदवारांनी परीक्षा शुल्क भरले आहे ते १४ ऑक्टोबर २०२१ पासून त्यांचे प्रवेशपत्र डाऊनलोड करू शकतील. पुढील पद्धतीने टप्प्याटप्प्याने प्रवेशपत्र डाऊनलोड करा MBBS व्यावसायिक परीक्षेला बसण्यासाठी आवश्यक असलेले प्रवेशपत्र डाऊनलोड करण्यासाठी उमेदवारांनी AIIMS परीक्षा पोर्टलला भेट देणे आवश्यक आहे आणि मुख्यपृष्ठावर दिलेल्या विद्यार्थी टॅबवर क्लिक करणे आवश्यक आहे. त्यानंतर प्रवेशपत्र डाउनलोडच्या संबंधित लिंकवर क्लिक करा. नवीन पानावर विचारलेले तपशील भरल्यानंतर उमेदवार प्रवेशपत्र डाउनलोड करू शकतील.

from Career News in Marathi: Career News, मराठी Career बातम्या | Maharashtra Times https://ift.tt/2YCXxUK
via IFTTT