CBSE बारावी टर्म १ परीक्षा आजपासून, समाजशास्त्राचा पहिला पेपर

12th Board Exam 2021: केंद्रीय माध्यमिक शिक्षण मंडळ (CBSE) बारावी टर्म १ ची परीक्षा १ डिसेंबर २०२१ पासून सुरू होत आहे. बारावी बोर्डाच्या परीक्षेच्या पहिल्या दिवशी समाजशास्त्राची परीक्षा होत जात आहे. सकाळी ११.३० ते दुपारी १ या वेळेत परीक्षा होणार आहे. विद्यार्थ्यांनी त्यांचे सीबीएसई टर्म १ परीक्षेचे प्रवेशपत्र (CBSE Term 1 Admit Card) सोबत बाळगणे आवश्यक आहे. सीबीएसईने अधिकृत cbse.gov.in वर प्रवेशपत्र जाहीर केले आहे. वेबसाइटच्या होमपेजवर जाऊन ई-परीक्षा टॅबवर लॉगिन करून प्रवेशपत्र डाउनलोड करता येईल. सीबीएसई टर्म १ बोर्ड परीक्षेसाठी विद्यार्थ्यांना परीक्षेच्या वेळेच्या ३० मिनिटे आधी नियुक्त केंद्रावर अहवाल देण्याच्या सूचना देण्यात आल्या आहेत. म्हणजेच परीक्षा ११.३० पासून सुरू होत असेल, तर तुम्ही तुम्हाला दिलेल्या परीक्षा केंद्रावर ११ वाजता पोहोचले पाहिजे. परीक्षा सुरू झाल्यानंतर परीक्षा हॉलमध्ये प्रवेश दिला जाणार नाही. सीबीएसईद्वारे दहावी आणि बारावीच्या शैक्षणिक वर्ष २०२१-२२ परीक्षा अंतर्गत टर्म १ परीक्षांचे वेळापत्रक १८ ऑक्टोबरला जाहीर करण्यात आले. विद्यार्थी अधिकृत वेबसाइटवर cbse.nic.in जाऊन हे वेळापत्रक पाहू शकतात. बातमीखाली दिलेल्या लिंकवर जाऊन विद्यार्थ्यांना वेळापत्रक पाहता आणि डाऊनलोड करता येणार आहे. सीबीएसईद्वारे माध्यमिक शैक्षणिक बोर्ड (सीबीएसई) दहावी आणि बारावी टर्म १ च्या 'प्रमुख' परीक्षांचे वेळापत्रक जाहीर करण्यात आले आहे. १४ ऑक्टोबरच्या नोटीसनुसार दोन्ही इयत्तांसाठी नोव्हेंबर-डिसेंबर २०२१ दरम्यान होणाऱ्या टर्म १ परीक्षेचे वेळापत्रक पाहता येणार आहे. विद्यार्थी आपले सीबीएसई टर्म १ वेळापत्रक २०२२ अधिकृत वेबसाइटवर अॅक्टीव्ह करण्यात आलेल्या लिंकवरुन पाहू शकतात. खासगी विद्यार्थ्यांसाठी नोटीस आता सीबीएसईने खासगी विद्यार्थ्यांसाठी नवीन नोटिफिकेशन जाहीर केले आहे. त्यानुसार बारावी बोर्डाच्या परीक्षेला बसणारे विद्यार्थी २ डिसेंबरपर्यंत आपले अर्ज करु शकतात. या परीक्षेसाठी अर्ज करू इच्छिणाऱ्या सर्व विद्यार्थ्यांना सीबीएसईची अधिकृत वेबसाइट cbse.gov.in वर जाऊन अर्ज करू करावा लागणार आहे. सर्वसाधारण विद्यार्थ्यांसोबतच खासगी विद्यार्थ्यांचीही बोर्डाची परीक्षा घेतली जाणार असल्याचे बोर्डाकडून सांगण्यात आले. त्यांना टर्म-१ च्या परीक्षेला बसण्याची आवश्यकता राहणार नाही. परीक्षेचे अर्ज केवळ ऑनलाइनच माध्यमातूनच स्वीकारले जाणार आहेत. तेव्हाच विद्यार्थ्यांना अर्जाचे शुल्कही जमा करावे लागेल. यापूर्वी सीबीएसईने दिलेल्या माहितीनुसार, बारावी वर्गाच्या टर्म-२ बोर्डाच्या परीक्षा मार्च किंवा एप्रिल २०२२ मध्ये घेतल्या जातील.

from Career News in Marathi: Career News, मराठी Career बातम्या | Maharashtra Times https://ift.tt/3pisZAK
via IFTTT