IIT रुरकीमध्ये मॅनेजमेंट कोर्ससाठी प्रवेश सुरु, अर्ज प्रक्रिया जाणून घ्या

Admission 2022: आयआयटी रुरकीने (IIT Roorkee) २ वर्षांच्या पूर्णवेळ एमबीए प्रोग्रामसाठी अर्ज मागविले आहेत. या कोर्सअंतर्गत डिपार्टमेंट ऑफ मॅनेजमेंट स्टडीज (Department of Management Studies,DOMS) फायनान्स (Finance), मार्केटिंग (Marketing), ऑपरेशन्स (Operation), ह्युमन रिसोर्स (Human resourse,HR) आणि आयटी (IT) मध्ये ड्युअल स्पेशलायझेशनचा समावेश आहे. IIT रुरकी एमबीए अभ्यासक्रमामध्ये प्रवेश घेण्यास इच्छुक असलेले अर्जदार आयआयटी रुरकीच्याअधिकृत वेबसाइटवर ऑनलाइन अर्ज करू शकतात. यासाठी अर्ज प्रक्रिया सुरू झाली असून ३१ जानेवारी २०२२ ही ऑनलाइन अर्ज करण्याची अंतिम तारीख आहे. वैध CAT (२०२१) गुण असलेले अर्जदार IIT रुरकी येथे एमबीए प्रोग्रामसाठी नोंदणी करू शकतात. एमबीए २०२२ (MBA 2022) साठी अर्ज करण्यापूर्वी अर्जदारांनी आयआयटी रुरकी एमबीए प्रवेश नोटिफिकेशन २०२२ मध्ये देण्यात आलेले पात्रता निकष, कोर्स फी आणि इतर महत्वाच्या तपशीलांची माहिती करुन घेणे आवश्यक आहे. पात्रता या अभ्यासक्रमांसाठी अर्ज करणाऱ्या उमेदवाराकडे कॅट २०२१ (CAT 2021) स्कोअरसह पदवी किंवा यूजीसीद्वारे मान्यताप्राप्त विद्यापीठातून समकक्ष पात्रता असणे आवश्यक आहे. तसेच कोणत्याही शाखेत किमान ६० टक्के गुण (एससी/एसटी/पीडी उमेदवारांसाठी ५५ टक्के) असणे आवश्यक आहे. अंतिम वर्षाचे विद्यार्थी देखील अर्ज करण्यास पात्र आहेत. आयआयटी पदवीधरांसाठी सीजीपीए ७.० किंवा त्यावर १० पॉइंट स्केलवर कॅट २०२१ च्या आवश्यकतेतून सवलत देण्यात आली आहे. प्रवेश प्रक्रिया आयआयटी रुरकी एमबीए २०२२ निवड प्रक्रिया कॅट २०२२ स्कोअरवर आधारित आहे. कॅट स्कोअरच्या आधारे उमेदवारांना मुलाखतीसाठी शॉर्टलिस्ट केले जाईल. कॅट स्कोअर, कामाचा अनुभव आणि पीआयच्या आधारेअंतिम गुणवत्ता यादी तयार केली जाईल. अर्ज शुल्क सर्वसाधारण/ईडब्ल्यूएस आणि ओबीसी-एनसी उमेदवारांसाठी अर्ज शुल्क १६०० रुपये आहे. सर्व अनुसूचित जाती/जमाती/पीडी/महिला उमेदवारांसाठी अर्ज शुल्क ८०० रुपये असेल. अर्ज आणि अर्ज शुल्क ऑनलाइन माध्यमातून भरायचे आहे. इतर कोणत्याही पद्धतीने अर्ज स्वीकारले जाणार नाहीत. आयआयटी रुरकीच्या अधिकृत वेबसाइटवर अधिक तपशली देण्यात आला आहे.

from Career News in Marathi: Career News, मराठी Career बातम्या | Maharashtra Times https://ift.tt/3qGMDbA
via IFTTT