Mahatransco Recruitment 2022: महापारेषण कंपनीत दहावी उत्तीर्ण उमेदवारांसाठी भरती

दहावी उत्तीर्ण उमेदवारांना सरकारी कंपनीत नोकरीचा अनुभव घेण्याची सुवर्णसंधी आहे. महाराष्ट्र स्टेट इलेक्ट्रिसिटी ट्रान्समिशन कंपनी लिमिटेड म्हणजेच महापारेषण (MAHATRANSCO) ने अप्रेन्टिस भरतीसाठी अर्ज मागवले आहेत. या भरतीसाठी उमेदवार ३१ जानेवारीपर्यंत अर्ज करू शकणार आहेत. अप्रेन्टिस इलेक्ट्रिशिअन ट्रेडच्या एकूण ४० जागा रिक्त आहेत. महाट्रान्स्कोमधील या भरतीसाठी इच्छुक आणि योग्य उमेदवार ३१ जानेवारी २०२२ पर्यंत अर्ज करू शकतील. त्यासाठी कंपनीने जारी केलेल्या अधिसूचनेतील सविस्तर माहिती घेऊन अर्ज करता येईल. शैक्षणिक पात्रता इलेक्टिशियन अप्रेन्टिस पदासाठी अर्ज करण्यास इच्छुक उमेदवारांनी कोणत्याही मान्यताप्राप्त बोर्डातून दहावीची परीक्षा उत्तीर्ण केलेली असावी. याशिवाय संबंधित पदाच्या गरजेनुसार संबंधित ट्रेडमधील आयटीआय प्रमाणपत्रही असणे आवश्यक आहे. वयोमर्यादा इलेक्टिशियन अप्रेन्टिस पदासाठी अर्ज करण्यास इच्छुक उमेदवारांचे किमान वय १८ वर्षे आणि कमाल वय ३८ वर्षे असावे. उमेदवारांचे वय ३१ जानेवारी २०२२ या तारखेपर्यंत मोजले जाईल.

from Career News in Marathi: Career News, मराठी Career बातम्या | Maharashtra Times https://ift.tt/32BSPZl
via IFTTT