सीए परीक्षा जुलै-ऑगस्टमध्ये घेणे कठीण: ICAI

इन्स्टिट्यूट ऑफ चार्टर्ड अकाऊन्टंट ऑफ इंडिया () से सर्वोच्च न्यायालयाकडे परीक्षांबाबत आपले म्हणणे मांडण्यासाठी सर्वोच्च न्यायालयाकडे वेळ मागितला आहे. या प्रकरणाची पुढील सुनावणी आता १० जुलै २०२० रोजी होणार आहे. या परीक्षांचं जुलै आणि ऑगस्टमध्ये नियोजन करणं कठीण असल्याचं मत संस्थेनं व्यक्त केलं आहे. आयसीएआयचं म्हणणं आहे की परीक्षेच्या आयोजनासंदर्भात सर्व संभाव्य शक्यतांची पडताळणी करावी लागेल, यासाठी संस्थेला आणखी वेळ दिला जावा. २९ जुलै ते १६ ऑगस्ट २०२० या कालावधीत होणार आहेत. आयसीएआयने सर्वोच्च न्यायालयाला सांगितले की करोनाच्या वाढत्या संक्रमणाच्या पार्श्वभूमीवर परीक्षा केंद्रांच्या बाबतीत विविध राज्यांशी चर्चा केली जाईल. यानंतर सीए परीक्षेसंबंधी संभाव्य शक्यतांचे आकलन केले जाईल. यासंदर्भातील पुढील सुनावणी १० जुलैला होणार आहे. दुसरीकडे नीट आणि जेईई मेन या प्रवेश परीक्षा जुलै महिन्यात होणार वा नाही यासंबंधी शिफारशी सादर करण्यासाठी केंद्रीय मनुष्यबळ विकास मंत्रालयाने समिती गठित केली आहे. समिती शुक्रवारी आपला अहवाल देणार आहे. जेईई परीक्षा १८ ते २३ जुलै तर नीट परीक्षा २६ जुलै रोजी होणार आहे. आयसीएआयने सांगितले आहे की २९ जुलै २०२० पासून सुरू होणारी सीए परीक्षा जर एका जरी विद्यार्थ्याला द्यायची असेल तरी संस्था परीक्षा घेण्यासाठी कटिबद्ध आहे. तूर्त संस्था कोविड - १९ विषाणू्च्या संक्रमण स्थितीवर लक्ष ठेवून आहे. शिवाय विद्यार्थ्यांची चिंता आणि समस्या देखील दूर करण्याच्या दृष्टीने संस्था प्रयत्न करत आहे. ज्या विद्यार्थ्यांनी मे २०२० परीक्षा देण्यासाठी अर्ज केला आहे, त्यांना परीक्षा देण्याचा पर्याच मिळेल. हे विद्यार्थी पुढील टप्प्यात म्हणजेच नोव्हेंबर २०२० मध्ये होणारी परीक्षा देऊ शकतात. मात्र त्यांचे परीक्षा शुल्क संस्थेकडे जमा राहील, ते आपोआप नोव्हेंबर २०२० परीक्षेसाठी वळते होईल. मात्र विद्यार्थ्यांना पुन्हा नोव्हेंबर २०२० साठी अर्ज करावा लागेल. परीक्षा शुल्क अॅडजस्ट केले जाईल. ते वाढलेले असेल तर विद्यार्थ्यांना वाढीव शुल्क भरावे लागेल. २९ जुलै २०२० पासून सुरू होणारी सीए परीक्षा ही पूर्णपणे त्यावेळी सरकारची मार्गदर्शक तत्वे काय असतील त्यावर अवलंबून असेल.

from Career News in Marathi: Career News, मराठी Career बातम्या | Maharashtra Times https://ift.tt/31BsAiK
via IFTTT