जेईई मेन परीक्षा आता प्रादेशिक भाषांमध्ये; शिक्षणमंत्र्यांची घोषणा

language: इंजिनीअरिंगच्या पदवीपूर्व अभ्यासक्रमांच्या प्रवेशांसाठी होणारी जॉइंट एन्ट्रन्स एक्झाम (JEE Main) संबंधी एक मोठी घोषणा करण्यात आली ाहे. केंद्रीय शिक्षण मंत्री डॉ. रमेश पोखरियाल निशंक यांनी ट्विट करून यासंदर्भातील माहिती दिली आहे. शिक्षणमंत्री पोखरियाल म्हणाले, 'नव्या शिक्षण धोरणांतर्गत (NEP 2020) जॉइंट अॅडमिशन बोर्ड (JAB) ने निर्णय घेतला आहे की जेईई मेन देशातील अन्य प्रादेशिक भाषांमध्येदेखील आयोजित करण्यात येईल.' पोखरियाल यांनी एका अन्य ट्विट मध्ये लिहिलं आहे की 'ज्या राज्यामधील इंजिनिअरींग कॉलेजांमधील प्रवेश प्रादेशिक भाषांमध्ये होणाऱ्या परीक्षांच्या आधारे होतात, त्या राज्यांमध्ये या परीक्षा त्या प्रादेशिक भाषांमध्ये होतील. अशा राज्यांच्या भाषा आता जेईई मेन परीक्षेत समाविष्ट केल्या जातील.' दरम्यान, सध्या जेईई मेन हिंदी, इंग्रजी आणि गुजराती भाषेत आयोजित केली जाते. दुसरीकडे, वैद्यकीय प्रवेशांसाठी होणारी नीट परीक्षा मात्र एकूण ११ भाषेत आयोजित केली जाते. जेईई मेन मध्ये देखील अन्य भाषांचा समावेश केल्यामुळे परीक्षा आणि प्रवेश प्रक्रियेत विद्यार्थ्यांना सुविधा मिळेल. आपल्या सोयीनुसार ते प्रश्नपत्रिकेच्या भाषेची निवड करू शकतील.

from Career News in Marathi: Career News, मराठी Career बातम्या | Maharashtra Times https://ift.tt/3meDFxo
via IFTTT