RRB NTPC परीक्षा: सीबीटी-१ चा दुसरा टप्पा १६ जानेवारीपासून

RRB NTPC Phase-2 Exam: रेल्वे भरती बोर्डाच्या (RRB) नॉन टेक्निकल पॉप्युलर कॅटेगरी परीक्षेच्या (NTPC Exam) पहिल्या टप्प्यातील दुसरी फेरी सुरू होत आहे. यासंबंधी आरआरबीने परिपत्रकही जारी केले आहे. यानुसार, परीक्षा सीबीटी-१ चा दुसरा टप्पा १६ जानेवारी २०२१ पासून सुरू होईल. दुसऱ्या टप्प्यातील ही परी७ा ३० जानेवारी २०२१ पर्यंत चालेल. यात सुमारे २७ लाख उमेदवार सहभागी होणार आहेत. कोणत्या शहरात आणि कोणत्या तारखेला उमेदवारांना परीक्षा द्यायची आहे, याची माहिती देण्यासाठी ६ जानेवारीपर्यंत सर्व आरआरबी वेबसाइट्सवर लिंक अॅक्टिव्ह केल्या जातील. या व्यतिरिक्त ज्या उमेदवारांना दुसऱ्या टप्प्यात परीक्षा द्यायची आहे, त्यांना त्यांनी अर्जात दिलेला ई-मेल आयडी आणि रजिस्टर्ड मोबाइल क्रमांकावर देखील सूचना पाठवली जाणार आहे. अॅडमिट कार्ड कधी? परीक्षेत ई-कॉल लेटर / अॅडमिट कार्डशिवाय प्रवेश दिला जाणार नाही. आरआरबी एनटीपीसी फेज-२ परीक्षेसाठी अॅडमिट कार्ड परीक्षा सुरू होण्याआधी चार दिवस म्हणजेच १२ जानेवारी २०२१ पर्यंत सर्व आरआरबी वेबसाइट्सवर दिले जातील. उमेदवारांना आपल्या रिजनल वेबसाइटवर जाऊन अॅडमिट कार्ड मिळवता येईल. या परीक्षेसंबंधी कोणत्याही प्रकारची मदत किंवा माहितीसाठी हेल्प डेस्क ही बनवले आहेत. आरआरबीच्या सर्व अधिकृत संकेतस्थळावर हे ऑनलाइन हेल्पडेस्क उपलब्ध आहेत.

from Career News in Marathi: Career News, मराठी Career बातम्या | Maharashtra Times https://ift.tt/3hJlXAU
via IFTTT