CBSE बोर्डाचे नवे शैक्षणिक वर्ष कधी? बोर्डाने दिली माहिती

CBSE Update in marathi: कोविड - १९ मुळे केंद्रीय माध्यमिक शिक्षण मंडळाच्या परीक्षा ( Exams) यावर्षी मार्चऐवजी मे-जूनमध्ये होणार आहेत. बोर्डाच्या परीक्षांना होत असलेल्या विलंबामुळे अन्य वर्गांच्या अंतिम परीक्षा कधी घ्यायच्या आणि नव्या सत्राची सुरुवात कधी करायची याबाबत शाळांमध्ये काहिसे गोंधळाचे वातारवण होते. अनेक शाळांनी यासंबंधी बोर्डाकडे विचारणा केली होती. त्यानंतर आता बोर्डाने यासंबंधी परिपत्रक जारी केले आहे. सीबीएसईने सर्व संलग्न शाळांना अंतिम वर्ष परीक्षा आणि २०२१-२२ या शैक्षणिक वर्षासंबंधी सल्ला दिला आहे. परिपत्रकात असं म्हटलं आहे वाचा - कोविड-१९ चे सुरक्षाविषयक मापदंड ध्यानात घेऊन बहुतांश राज्यात शाळा उघडण्यात आल्या आहेत. लवकरच अन्य राज्ये आणि केंद्रशासित प्रदेशांमधील शाळाही उघडतील, अशी शक्यता आहे. शाळांना ऑफलाइन वर्ग विद्यार्थ्यांसाठी संपूर्णपणे तयार ठेवावे लागतील. शाळा उघडल्यामुळे विद्यार्थ्यांना त्यांची विज्ञान प्रात्यक्षके आणि अंतिम परीक्षांच्या तयारीसाठी मदत होईल. ते लिहिण्याचा सराव करू शकतील आणि शंकांचं निरसन करू शकतील. शिक्षकांनाही विद्यार्थ्यांकडे काळजीपूर्वक लक्ष द्यावं लागेल. एखादा विद्यार्थी ऑनलाइन शिक्षणामुळे मागे तर नाही ना पडला हेही पाहावं लागेल. जर असं झालं असेल तर त्याच्या शंकांचं समाधान करावं लागेल. नववी आणि अकरावीच्या विद्यार्थ्यांसाठी सर्व शाळांनी ही पावलं उचलायची आहेत. लर्निंग गॅप कमी केल्यानंतर कोविड सुरक्षा मानकांचे पालन करत अंतिम परीक्षा घ्यायच्या आहेत. लर्निंग गॅप कमी करण्यासाठी नव्या सत्राच्या सुरुवातीला शाळा ब्रिज कोर्स चालवू शकतील. शैक्षणिक वर्ष २०२१-२२ च्या नव्या शैक्षणिक वर्षाची सुरुवात एप्रिल २०२१ पासून करणंच योग्य असेल. शाळांनी संबंधित राज्य सरकारांद्वारे जारी मार्गदर्शक तत्त्वांनुसार शक्य असल्यास १ एप्रिल २०२१ पासून नव्या सत्राची सुरुवात करावी.

from Career News in Marathi: Career News, मराठी Career बातम्या | Maharashtra Times https://ift.tt/3tL1yRH
via IFTTT