UCEED 2021 Result: आयआयटी मुंबईने केला UCEED परीक्षेचा निकाल जारी

UCEED 2021 Result: इंडियन इन्स्टिट्यूट ऑफ टेक्नॉलॉजी (IIT) मुंबईने अंडरग्रॅज्युएट कॉमन एन्ट्रन्स एक्झामिनेशन फॉर डिझाइन (UCEED) 2021 परीक्षेचा निकाल जाहीर केला आहे. ज्या उमेदवारांनी १७ जानेवारी रोजी झालेली UCEED 2021 परीक्षा दिली होती, ते अधिकृत वेबसाइट वर जाऊन त्यांचे निकाल तपासू शकतात. UCEED 2021 सीट अलॉटमेंट तीन राउंडमध्ये होणार आहे. पहिला राउंड १ एप्रिल पासून दुसरा राउंड १० मे पासून आणि तिसरा राउंड १० जून पासून सुरू होणार आहे. याव्यतिरिक्त आणखी दोन पुरवणी फेऱ्या ३० जुलै आणि १० ऑगस्टपासून सुरू होतील. IIT बॉम्बे, IIT गुवाहाटी, IIT हैदराबाद आणि IITDM जबलपूर येथील BDes कार्यक्रमात प्रवेशासाठी 13 मार्चपासून अर्ज प्रक्रिया सुरू होईल. प्रवेश पोर्टल ३१ मार्च २०२१ रोजी बंद होईल. तात्पुरत्या वाटप केलेल्या जागा परत करणे किंवा रद्द करण्याची शेवटची तारीख १६ ऑगस्ट आहे. जे उमेदवार १६ ऑगस्ट रोजी किंवा त्यापूर्वी BDes च्या जागा परत करतील किंवा रद्द करतील त्यांना फी परतावा मिळेल. UCEED 2021 निकाल पुढील पद्धतीने तपासा - - प्रथम अधिकृत वेबसाइट iitb.ac.in वर जा. - आता UCEED 2021 च्या निकालावर क्लिक करा. - आता पोर्टलवर लॉग इन करा. - आता तुम्ही तुमचा निकाल पाहू शकाल. युएसईडी 2021 निकालः आयआयटी बॉम्बेने ९ मार्चला CEED 2021 निकालाची घोषणा केली होती. ही परीक्षा सहभागी संस्थांमध्ये MDes अभ्यासक्रमांमध्ये घेण्यात येणारी प्रवेश परीक्षा आहे.

from Career News in Marathi: Career News, मराठी Career बातम्या | Maharashtra Times https://ift.tt/3cxghIf
via IFTTT