ICSI CSEET 2021 Date: सीएस एक्झिक्युटिव प्रवेश परीक्षेची तारीख जाहीर

Date: इन्स्टिट्यूट ऑफ कंपनी सेक्रेटरीज ऑफ इंडिया (ICSI) ने मे सत्रासाठी कंपनी सेक्रेटरीज एक्झिक्युटिव एन्ट्रन्स टेस्ट (CSEET 2021) ची तारीख जाहीर केली आहे. सीएस एक्झिक्युटिव एन्ट्रन्स टेस्टचे आयोजन ८ मे २०२१ रोजी होणार आहे. परीक्षा रिमोट प्रॉक्टर्ड मोडवर आयोजित केली जाणार आहे. उमेदवार, वर जाऊन ऑफिशियल नोटीस पाहू शकतात. उमेदवार आपल्या घर बसल्या किंवा कोणत्याही सुविधाजनक ठिकाणाहून टेस्टमध्ये सहभागी होण्याची परवानगी देण्यात आली आहे. उमेदवार परीक्षेसाठी लॅपटॉप किंवा डेस्कटॉप कॉम्प्युटरचा उपयोग करू शकतात. त्यांना स्मार्टफोन (मोबाइल), टॅबलेट आदिंचा वापर करून परीक्षा देण्याची अनुमती देण्यात आलेली नाही. दूरस्थ पद्धतीने परीक्षा घेण्यात येणार असल्याने आयसीएआयने परीक्षेतील वायवा भाग हटवला आहे. उमेदवारांनी हे ध्यानात घ्यायचे आहे की अधिकृत वेबसाइट वर परीक्षेशी संबंधित तपशीलवार सूचना देखील जारी केल्या आहेत. त्या सर्व उमेदवारांनी काळजीपूर्वक वाचाव्यात. CSEET 2021 उमेदवारांना अॅडमिट कार्ड परीक्षेच्या तारखेच्या दहा दिवस आधी उपलब्ध होतील. विस्तृत माहिती वेबसाइट वर उपलब्ध आहे. परीक्षेचा पॅटर्न CSEET 2021 मध्ये १४० बहुपर्यायी प्रश्न (MCQ) असतील. एकूण २०० गुणांची परीक्षा असेल, यात प्रत्येकी ५० गुणांचे एकूण ४ पेपर असतील. बिझनेस कम्युनिकेशनचे ३५ प्रश्न, लीगल अॅप्टीट्यूड अँड लॉजिकल रीजनिंगचे ३५ प्रश्न, इकॉनॉमिक अँड बिजनेस एनवायर्नमेंटचे ३५ प्रश्न आणि करंट अफेयर्सचे १५ प्रश्न आणि प्रेझेंटेशन अँड कम्युनिकेशन स्किलचे २० प्रश्न असतील. परीक्षेसाठी उमेदवारांना एकूण दोन तासांचा वेळ दिला जाईल. परीक्षेचा पॅटर्न आणि अन्य माहितीसाठी अधिकृत वेबसाइटला भेट देत रहा. सीएस एक्झिक्युटिव प्रवेश परीक्षेच्या मे सेशनसाठी ऑनलाइन रजिस्ट्रेशन प्रक्रिया १६ डिसेंबर २०२० पासून सुरू झाली होती. रजिस्ट्रेशन करण्याची अखेरची तारीख १५ एप्रिल २०२१ होती.

from Career News in Marathi: Career News, मराठी Career बातम्या | Maharashtra Times https://ift.tt/3xkRQHg
via IFTTT