नीट परीक्षा अर्जांच्या दुरुस्तीसाठी करेक्शन विंडो खुली

NEET 2021: NEET (UG) 2021: परीक्षेसाठी अर्ज प्रक्रिया १० ऑगस्ट २०२११ रोजी संपली आहे. यानंतर, नॅशनल टेस्टिंग एजन्सीने (एनटीए) उमेदवारांना त्यांचे सादर केलेले अर्ज दुरुस्त करण्यासाठी वेळ दिला आहे. यासाठी, एजन्सीने बुधवार, ११ ऑगस्ट २०२१ पासून NEET अर्ज दुरुस्ती विंडो खुली केली आहे. ही विंडो १४ ऑगस्ट २०२१ रोजी दुपारी २ पर्यंत खुली राहणार आहे. ज्या उमेदवारांना NEET UG 2021 अर्जात सुधारणा करायची असेल ते अधिकृत वेबसाइट neet.nta.nic.in वर अंतिम मुदतीपर्यंत ऑनलाइन अर्ज करू शकतात. NTA द्वारे NEET UG अर्जामध्ये मर्यादित प्रमाणात त्रुटी-सुधारणा किंवा दुरुस्ती करण्याची परवानगी असणार आहे. केवळ या बदलांना परवानगी राष्ट्रीय पात्रता-सह-प्रवेश परीक्षा (UG)-NEET (UG) 2021 राष्ट्रीय चाचणी एजन्सी (NTA) ने जाहीर केलेल्या माहितीनुसार, उमेदवारांना वैयक्तिक तपशीलामध्ये सादर केलेल्या अर्जात फक्त नाव, संपर्क/ पत्ता , श्रेणी, राष्ट्रीयत्व, PwBD स्टेटस, शैक्षणिक पात्रता, जन्मतारीख, इत्यादी मध्ये सुधारणा करता येतील. या व्यतिरिक्त, तुम्ही NEET परीक्षेशी संबंधित तपशीलांमध्ये प्रश्नपत्रिकेचे माध्यम (भाषा) आणि परीक्षा केंद्राचे शहर देखील बदलू शकाल. नीट अर्ज दुरुस्तीसाठी शुल्क NEET (UG) 2021 अर्ज सुधारणा शुल्क NTA द्वारे आकारले जाणार आहे. उमेदवारांना ऑनलाइन माध्यमातून हे शुल्क भरता येणार आहे. उमेदवारांनी केलेल्या सुधारणांद्वारे शुल्क निश्चित केले जाईल. अधिक तपशीलांसाठी, उमेदवार नीट (यूजी) २०२१ नोटिफिकेशन पाहू शकतात. NEET अर्ज दुरुस्तीसाठी हेल्पलाईन तसेच, NTA ने उमेदवारांना मदत करण्यासाठी किंवा कोणत्याही प्रकारच्या प्रश्न सोडवण्यासाठी एक हेल्पलाईन दिली आहे. एजन्सीने जाहीर केलेले फोन नंबर ०११-४०७५९००० वर कॉल करून किंवा neet@nta.ac.in या ईमेल आयडीद्वारे उमेदवारांना मदत मिळू शकते. अर्जामध्ये बदल करण्याचा पर्याय हा बंधनकारक नाही. त्यामुळे अर्जात बदल होणे गरजेचे आहे असे ज्या उमेदवारांना वाटते त्यांनीच या संधीचा उपयोग करुन घ्या. एनटीएने हा निर्णय आरोग्य विज्ञान महानिदेशालय (डीजीएचएस) आणि आरोग्य आणि परिवार कल्याण मंत्रालयाच्या शिफारसीनुसार केला आहे. नीट यूजी २०२१ संबंधी मंत्रालयाद्वारे ही शिफारस करण्यात आली होती. या रिझल्टचा उपयोग केंद्र आणि राज्य सरकारांच्या इतर संस्थांच्या पात्रता निकषांनुसार केला जाऊ शकतो. तसेच बीएससी (ऑनर्स) नर्सिंग अभ्यासक्रमाच्या प्रवेशासाठी देखील या निकालाचा उपयोग होतो. ही नवी तारीख बीएससी (ऑनर्स) नर्सिंग कोर्समध्ये प्रवेश घेणाऱ्या विद्यार्थ्यांसाठी देखील लागू आहे.

from Career News in Marathi: Career News, मराठी Career बातम्या | Maharashtra Times https://ift.tt/3CGjX6p
via IFTTT