कोल इंडिया लिमिटेडमध्ये ५८८ पदांवर भरती

Recruitment 2021: (Coal India Limited, CIL) ने मॅनेजमेंट ट्रेनी (Management trainees) पदांवर भरती प्रक्रिया सुरू केली आहे. यासाठी संस्थेने नोटिफिकेशन जारी केले आहे. यानुसार माइनिंग (Mining), इलेक्ट्रिकल (Electrical), मेकॅनिकल (Mechanical),सिविल, इंड्रस्टीयल इंजिनीअरिंग अँड जिऑलॉजी सेक्शन (Civil, Industrial Engineering and Geology)साठी ट्रेनिंग पदांवर भरती केली जाणार आहे. या अंतर्गत एकूण ५८८ पदे भरली जाणार आहेत. या पदांवर अर्ज करण्यासाठी उमेदवारांनी गेट परीक्षा पात्र असणे अनिवार्य आहे. गेट परीक्षेतील गुणांच्या आधारे उमेदवारांची निवड केली जाणार आहे. या पदांसाठी ऑनलाईन अर्ज करण्याची प्रक्रिया मंगळवारपासून म्हणजेच १० ऑगस्ट, २०२१ पासून सुरू झाली आहे आणि शुल्कासह ऑनलाइन सबमिशनची अंतिम मुदत ९ सप्टेंबर मध्यरात्री १२ पर्यंत आहे. त्याचवेळी, सीआयएलने जारी केलेल्या अॅडव्हायजरीत उमेदवारांना सांगितले आहे की अर्ज वेळेत भरावा, शेवटच्या दिवसापर्यंत प्रतीक्षा करू नये, असाही सल्ला दिला आहे. Coal India Recruitment 2021: कसा करावा अर्ज? - मॅनेजमेंट ट्रेनी पदांवर भरतीसाठी सर्वात आधी उमेदवारांनी अधिकृत वेबसाइट Coalindia.in वर जावे. - यानंतर होम पेज वर Career with CIL लिंक वर क्लिक करा. - यानंतर कोल इंडियामध्ये जॉब्स वर क्लिक करा. - सर्व माहिती भरा आणि कागदपत्रे अपलोड करा. - यानंतर शुल्क भरा आणि भविष्यातील संदर्भासाठी प्रिंटआऊट घ्यावे. शैक्षणिक पात्रता माइनिंग, इलेक्ट्रिकल, मेकॅनिकल, सिविल आणि इंडस्ट्रीयल इंजिनीअरिंग सेक्शनसाठी मॅनेजमेंट ट्रेनी पदांवर किमान पात्रतेसाठी उमेदवारांकडे बीई/बीटेक/बीएससी डिग्री असावी. उमेदवार किमान ६० टक्के गुणांसह पदवीधर असावेत. जिऑलॉजी विषयाचे उमेदवार किमान एमएससी असावेत. याव्यतिरिक्त एमटेक जिऑलॉजी किंवा अप्लाइड भूविज्ञानमध्ये किमान ६० टक्के गुण असावेत. एक उमेदवार केवळ एका पदासाठीच अर्ज करू शकणार आहे. इंजिनीअरिंगमध्ये GATE 2021 चा स्कोर अनिवार्य आहे, या गुणांच्या आधारे उमेदवार शॉर्टलिस्ट केले जाणार आहेत. शुल्क सामान्य, ओबीसी, ईडब्ल्यूएस प्रवर्गातील उमेदवारांना अर्ज ११८० रुपये शुल्क भरावे लागेल. अन्य एससी, एसटी, पीडब्ल्यूडी प्रवर्गातली उमेदवारांना शुल्कात सवलत देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3xAn0JG
via IFTTT