Delhi Schools Reopen: दिल्लीमध्ये दहावी, बारावीच्या विद्यार्थ्यांसाठी शाळा सुरु

Delhi : दिल्लीमध्ये ९ ऑगस्ट २०२१ म्हणजेच आजपासून शाळा सुरु होत आहे. दिल्ली आपत्ती व्यवस्थापन प्राधिकरणाने (Delhi Disaster Management Authority) शाळा सुरु करण्याच्या निर्णयाला परवानगी दिली आहे. सध्या दहावी आणि बारावीच्या विद्यार्थ्यांसाठी अल्प प्रमाणात शाळा पुन्हा सुरु करण्याचा निर्णय घेण्यात आला आहे. हा निर्णय विद्यार्थ्यांचे प्रवेश (Schools admission)आणि बोर्डाच्या परीक्षा (Board exam) यामध्ये समानता आणण्यासाठी करण्यात आला आहे. दिल्ली आपत्ती व्यवस्थापन प्राधिकरण (DDMA) ने दहावी आणि बारावीच्या प्रवेशासंबधी काऊन्सिलिंग किंवा गाइडन्स आणि बोर्ड परीक्षेसंबंधित प्रॅक्टीकल अॅक्टीविटी अशा महत्वाच्या कामांसाठी शाळा पुन्हा उघडण्याची परवानगी दिली आहे. यावेळी करोना प्रतिबंध नियमांचे पालन व्हावे यासाठी शिक्षण विभागाने निर्देश जाहीर केले आहेत. डीडीएमएसोबत महत्वाची बैठक दिल्लीचे उपमुख्यमंत्री मनीष सिसोदीया (Deputy CM Manish Sisodia) यांनी दिल्ली आपत्ती व्यवस्थापन प्राधिकरण (DDMA)सोबत झालेल्या बैठकीत शाळा सुरु करण्यासाठी विशेषज्ञांची समिती करण्याचा निर्णय घेण्यात आला. लवकरच एसओपी जाहीर होणार शाळा आणि कॉलेज पुन्हा सुरु करण्याच्या प्रक्रियेचा पूर्ण प्लान तयार करण्यासाठी शिक्षण आणि आरोग्य विभागाच्या अधिकाऱ्यांची समिती बनवणार आहे. एसओपीचे पालन करण्यासाठी शाळांची तयारी, शिक्षक, इतर कर्मचाऱ्यांच्या लसीकरण आवश्यक आहे. तसेच पालक आणि विद्यार्थ्यांना येणाऱ्या अडचणी देखील समजून घेतल्या जाणार आहेत. पुन्हा शाळा सुरु करण्यावर ३५ हजार सूचना उपमुख्यमंत्री मनीष सिसोदिया यांनी शाळा पुन्हा सुरु करण्याबाबत पालकांकडे सूचना मागविल्या होत्या. या मुद्द्यावर त्यांना ३५ हजार सूचना आल्या आहेत. यातील १२ हजार सूचना या पहिल्याच दिवशी मिळाल्या. या सर्व सूचना समजून घेऊन लवकरच निर्णय घेतला जाईल असे ते म्हणाले. या बैठकीत मुख्यमंत्री अरविंद केजरीवाल (CM Arvind Kejriwal, नीती आयोगाचे सदस्य विनोद कुमार पॉल, राष्ट्रीय रोग नियंत्रण केंद्राचे प्रमुख डॉ. सुजीत सिंह दिल्लीचे आरोग्यमंत्री सत्येंद्र जैन, परिवहन मंत्री कैलाश गहलोत, एम्सचे प्रमुख डॉ. रणदीप गुलेरिया, राष्ट्रीय आपत्ती व्यवस्थापन प्राधिकरणाचे सदस्य कृष्ण वत्स हे उपस्थित होते.

from Career News in Marathi: Career News, मराठी Career बातम्या | Maharashtra Times https://ift.tt/2WYN98n
via IFTTT