IDBI बॅंकेत असिस्टंट मॅनेजर पदासाठी ग्रॅज्युएट असणाऱ्यांना संधी

IDBI Bank Job 2021: IDBI बँकेमध्ये सहाय्यक व्यवस्थापक () पदांसाठी अर्ज मागविण्यात आले आहेत. ग्रेड ए पदांसाठी अर्ज करू इच्छिणारे पात्र उमेदवार आयडीबीआय बँकेच्या अधिकृत वेबसाइट idbibank.in वर ऑनलाइन अर्ज करू शकतात. पदांसाठी अर्ज करण्याची शेवटची तारीख २२ ऑगस्ट २०२१ पर्यंत आहे. मुंबई, नागपूर, पुणे, अहमदनगर या शहरांमधील आयडीबीआयच्या शाखांमध्ये ही भरती केली जाणार आहे. १ वर्षाचा बॅंकिंग अॅण्ड फायनान्समध्ये पदव्युत्तर डिप्लोमा असलेल्या उमेदवारांना या नोकरीत प्राधान्य देण्यात येणार आहे. यामध्ये कॅम्पसमध्ये ९ महिन्यांचा वर्ग अभ्यास आणि IDBI बँक शाखांमध्ये ३ महिन्यांच्या इंटर्नशिपचा समावेश असणार आहे. अभ्यासक्रम यशस्वीपणे पूर्ण केल्यानंतर, उमेदवारांना PGDBF प्रमाणपत्र दिले जाणार आहे. या जाहिरातीत नमूद केल्याप्रमाणे पात्रता निकष पूर्ण करणाऱ्या उमेदवाराला आयडीबीआय बँकेत सहायक व्यवस्थापक ग्रेड 'ए' पदावर भरती केले जाईल. अर्ज करण्याआधी उमेदवाराने नोटिफिकेशन काळजीपूर्वक वाचणे गरजेचे आहे. त्यातील पात्रता, निकष समजून घेतल्यानंतर अर्ज करावा. अर्जामध्ये काही चूक आढळल्यास अर्ज बाद करण्यात येईल. अधिकृत वेबसाइट आणि नोटिफिकेशनची थेट लिंक बातमीखाली देण्यात आली आहे. महत्वाच्या तारखा अर्ज करण्याची तारीख - १० ऑगस्ट २०२१ अर्ज करण्याची शेवटची तारीख - २२ ऑगस्ट २०२१ ऑनलाईन परीक्षेची तारीख - ०४ सप्टेंबर २०२१ पात्रता उमेदवाराकडे कोणत्याही मान्यताप्राप्त संस्थेतून ६०% गुणांसह पदवी पूर्ण असणे आवश्यक आहे. असावी. एससी / एसटी / पीडब्ल्यूडी उमेदवारांकडे ५५% गुणांसह पदवी पूर्ण असणे गरजेचे आहे. वयोमर्यादा उमेदवारांची वयोमर्यादा २१ ते २८ वर्षांच्या दरम्यान असावी. अर्ज शुल्क SC/ ST/ PWD उमेदवारांसाठी अर्ज शुल्क २०० रुपये आणि इतर सर्वांसाठी १००० रुपये आहे.

from Career News in Marathi: Career News, मराठी Career बातम्या | Maharashtra Times https://ift.tt/3AHboGZ
via IFTTT