Maharashtra TET 2021 परीक्षेची तारीख, नोंदणी आणि हॉलतिकिट कधी? जाणून घ्या सर्वकाही...

Maharashtra Registration: महाराष्ट्रामध्ये शिक्षक भरती (Teacher jobs) साठी होणाऱ्या शिक्षक पात्रता परीक्षेसाठी(MAHATET 2021) नोंदणी प्रक्रिया ३ ऑगस्टपासून सुरु झाली आहे. इच्छुक आणि पात्र उमेदवारांनी महाराष्ट्र टीईटी २०२१ साठी अधिकृत वेबसाइट mahatet.in वर जाऊन ऑनलाइन नोंदणी करु शकता. महाराष्ट्र टीईटी २०२१ परीक्षा ऑक्टोबरमध्ये होणार आहे. इयत्ता पहिली ते पाचवी आणि सहावी ते आठवीसाठी सर्व व्यवस्थापन, सर्व परीक्षा मंडळे, सर्व माध्यमे, अनुदानित तसेच विनाअनुदानित, कायम विनाअनुदानित शाळांमध्ये शिक्षण सेवक, शिक्षक पदावर नियुक्तीसाठी उमेदवारांनी या परीक्षेत उत्तीर्ण होणे अनिवार्य आहे. परीक्षेशी संबंधित सर्व माहिती परिषदेच्या mahatet.in या संकेतस्थळावर उपलब्ध आहे. शिक्षक पात्रता परीक्षा पेपर १ आणि २ सकाळ आणि दुपार अशा दोन सत्रात होणार आहे. परीक्षेचे सविस्तर वेळापत्रकही जाहीर करण्यात आले आहे. चे वेळापत्रक ऑनलाइन अर्ज व शुल्क भरण्याचा कालावधी - ३ ऑगस्ट २०२१ ते २५ ऑगस्ट २०२१ (वेळ रात्री २३.५९ वाजेपर्यंत) प्रवेशपत्राचे ऑनलाइन प्रिंट घेणे - २५ सप्टेंबर २०२१ ते १० ऑक्टोबर २०२१ शिक्षक पात्रता परीक्षा पेपर १- १० ऑक्टोबर २०२१ सकाळी १०.३० ते दुपारी १ शिक्षक पात्रता परीक्षा पेपर २ - १० ऑक्टोबर २०२१ दुपारी २ ते सायंकाळी ४.३० सन २०१८-१९ नंतर आता परीक्षा होणार आहेत. दरवर्षी सात लाख प्रशिक्षार्थी ही परीक्षा देत असतात परंतु गेल्या दोन वर्षांत परीक्षा न झाल्याने यंदा अंदाजे दहा लाख विद्यार्थी परीक्षेला बसण्याची शक्यता शिक्षणविभागाकडून वर्तविली जात आहे. टीईटी अनिवार्य इयत्ता पहिली ते चौथी व पाचवी ते आठवी शिक्षक भरतीसाठी टीईटी(TET) अनिवार्य करण्यात आली आहे यामुळे गुणवंत आणि कार्यक्षम शिक्षक निर्माण होऊन शिक्षण क्षेत्रात आमूलाग्र बदल होईल असे शिक्षणमंत्री वर्षा गायकवाड म्हणाल्या. जिल्हा परिषदेच्या शाळांमध्ये उपलब्ध होणाऱ्या रिक्त जागांसाठी या परीक्षेमुळे फायदा होणार आहे. MAHATET 2021 साठी असा करा अर्ज स्टेप १ - अधिकृत वेबसाइट mahatet.in वर जा. स्टेप २- होमपेजवर 'महाटी २०२१ ऑपरेशन' अंतर्गत 'नवी नोंदणी' वर क्लिक करा स्टेप ३- रजिस्टर करा आणि पोर्टलवर लॉगिन करा स्टेप ४ - महत्वाची माहिती भरा आणि अर्ज शुल्क भरुन पेमेंट करा स्टेप ५- फॉर्म सबमिट करा आणि भविष्यातील उपयोगासाठी प्रिटंआऊट काढून घ्या

from Career News in Marathi: Career News, मराठी Career बातम्या | Maharashtra Times https://ift.tt/3yrSXVR
via IFTTT