SBI बॅंकेत विविध पदांची भरती, डिटेल्स जाणून घ्या

SO : स्टेट बँक ऑफ इंडिया (एसबीआय) मध्ये विविध पदांच्या रिक्त जागा भरल्या जाणार आहेत. या अंतर्गत असिस्टंट मॅनेजर इंजिनीअर सिव्हिल, असिस्टंट मॅनेजर इंजिनीअर इलेक्ट्रिकल, असिस्टंट मॅनेजर मार्केटिंग अॅण्ड कम्युनिकेशन, रिलेशनशीप मॅनेजर, प्रोडक्ट मॅनेजर या पदांवर भरती करण्यात येणार आहे. या पदांसाठी इच्छुक आणि पात्र उमेदवार अधिकृत वेबसाइट www.sbi.co.in ला भेट देऊन ऑनलाइन अर्ज करू शकतात. या पदांसाठी अर्ज प्रक्रिया १३ ऑगस्टपासून सुरू होत असून २ सप्टेंबरपर्यंत सुरू राहणार आहे. ज्या उमेदवारांना या रिक्त पदांसाठी अर्ज करायचा असेल ते अधिकृत वेबसाइटवर लॉगिन करून अर्ज करू शकतात. या तारखांवर लक्ष ठेवा ऑनलाईन अर्ज करण्याची तारीख - १३ ऑगस्ट २०२१ ऑनलाईन अर्ज करण्याची शेवटची तारीख - २ सप्टेंबर २०२१ रिक्त पदांचा तपशील असिस्टंट मॅनेजर इंजिनीअर सिव्हिल - ३६ पद असिस्टंट मॅनेजर इंजिनीअर इलेक्ट्रिकल - १० पदे असिस्टंट मार्केटिंग आणि कम्युनिकेशन - ०४ पदे डेप्युटी मॅनेजर - १० पदे प्रोजेक्ट मॅनेजर- ०१ पद शैक्षणिक पात्रता असिस्टंट मॅनेजर पदासाठी अर्ज करणाऱ्या उमेदवाराकडे कोणत्याही मान्यताप्राप्त संस्थेतून सिव्हिल इंजिनीअरिंगमध्ये पदवी असणे आवश्यक आहे. तसेच उमेदवारांकडे ६० टक्के गुण असणे आवश्यक आहे. तर उमेदवारांकडे ग्रॅज्युएशन डिग्रीचा २ वर्षांचा कामाचा अनुभव आणि पदव्युत्तर पदवीसाठी १ वर्षाचा अनुभव असावा. असिस्टंट मॅनेजर इलेक्ट्रीकलच्या पदांसाठी ऑनलाईन अर्ज करणाऱ्या उमेदवारांकडे कोणत्याही मान्यताप्राप्त संस्थेतून इलेक्ट्रिकल इंजिनीअरिंगमध्ये ६० टक्के गुण असणे आवश्यक आहे. याशिवाय ग्रॅज्युएशन डिग्रीचा २ वर्षांचा कामाचा अनुभव आणि पदव्युत्तर पदवीसाठी १ वर्षाचा अनुभव असणे गरजेचे आहे. डेप्युटी मॅनेजर पदासाठी ऑनलाईन अर्ज करणाऱ्या उमेदवारांकडे कोणत्याही मान्यताप्राप्त संस्थेतून ग्रामीण व्यवस्थापन विषयात एमबीए, पीजीडीएम पदवी असणे आवश्यक आहे.

from Career News in Marathi: Career News, मराठी Career बातम्या | Maharashtra Times https://ift.tt/3AJvmkl
via IFTTT