UPSC इंजिनीअरिंग सर्व्हिस मुख्य परीक्षेचे प्रवेशपत्र जाहीर

Admit Card 2021: केंद्रीय लोकसेवा आयोगातर्फे इंजिनीअरिंग सर्व्हिस मुख्य परीक्षेचे प्रवेशपत्र जाहीर करण्यात आले आहे. पूर्व परीक्षा उत्तीर्ण झाल्यानंतर मुख्य परीक्षेची (UPSC Engineering Service Mains Exam) तयारी करत असलेले उमेदवार अधिकृत वेबसाइट- upsc.gov.in वर भेट देऊन प्रवेशपत्र () डाउनलोड करू शकतात. UPSC द्वारे जाहीर केलेल्या या पदभरती अंतर्गत एकूण २१५ रिक्त जागा भरण्यात येणार आहेत. इंजिनीअरिंग सर्व्हिस (Engineering Services) साठी जाहीर केलेल्या या रिक्त पदावरील अर्ज प्रक्रिया ७ एप्रिल २०२१ पासून सुरू झाली. यामध्ये उमेदवारांना ऑनलाइन अर्ज करण्यासाठी २७ एप्रिल २०२१ पर्यंत मुदत देण्यात आली होती. पूर्व परीक्षा १८ जुलै २०२१ घेण्यात आली. या परीक्षेचे प्रवेशपत्र २४ जून २०२१ रोजी जाहीर करण्यात आले. पूर्व परीक्षेचा निकाल ६ एप्रिल २०२१ रोजी जाहीर झाला. यामध्ये निवडलेले उमेदवार मुख्य परीक्षेला बसण्यास पात्र ठरले. मुख्य परीक्षेला बसलेले उमेदवार अधिकृत वेबसाइटवरून प्रवेशपत्र (UPSC 2021) डाउनलोड करू शकतात. UPSC Admit Card 2021: असे करा डाऊनलोड प्रवेशपत्र डाउनलोड करण्यासाठी, सर्वप्रथम अधिकृत वेबसाइट upsc.gov.in वर जा. वेबसाइटच्या होमपेजवर दिलेल्या What's New लिंकवर क्लिक करा. यानंतर इंजिनीअरिंग सर्व्हिसेस (मुख्य) परीक्षा २०२१ च्या पर्यायावर जा. आता तुमचा नोंदणी क्रमांक किंवा रोल नंबर आणि जन्मतारीख भरा. प्रवेशपत्र स्क्रीनवर दिसेल. ते डाउनलोड करा आणि भविष्यातील उपयोगासाठी प्रिंट आउट घ्या. रिक्त जागांचा तपशील जाहीर करण्यात आलेल्या नोटिफिकेशननुसार एकूण २१५ रिक्त जागा भरण्यात येणार आहेत. यामध्ये सिव्हिल इंजिनीअरिंग, मॅकेनिकल इंजिनीअरिंग, इलेक्ट्रिकल इंजिनीअरिंग आणि इलेक्ट्रॉनिक्स अॅण्ड टेलीकम्युनिकेशन इंजिनीअरिंग ही पदे भरण्यात येणार आहेत. वेबसाईटवर उपलब्ध असलेल्या नोटिफिकेशनमध्ये रिक्त पदांचा संपूर्ण तपशील देण्यात आला आहे. मुख्य परीक्षेचे ठिकाण पूर्व परीक्षा उत्तीर्ण झालेले उमेदवार मुख्य परीक्षेला बसतील. यामध्ये उमेदवाराच्या पसंतीच्या केंद्रानुसार उमेदवारांचे परीक्षा केंद्र पाठविण्यात आले आहे. अहमदाबाद, आयझॉल, अलाहाबाद, बंगळूर, भोपाळ, चंदीगड, चेन्नई, कटक, देहारादून, दिल्ली, दिसपूर, हैदराबाद, जयपूर, जम्मू, कोलकाता, लखनऊ, मुंबई, पटना, रायपूर, रांची, शिलाँग, शिमला, त्रिवेंद्रम आणि विश्वखापट्टणम येथे मुख्य परीक्षा असतील.

from Career News in Marathi: Career News, मराठी Career बातम्या | Maharashtra Times https://ift.tt/3Et5X0b
via IFTTT