Bank Job 2022: सिडबीमध्ये विविध पदांची भरती, जाणून घ्या तपशील

SIDBI Recruitment 2022: स्मॉल इंडस्ट्रीस डेव्हलपमेंट बॅंक इंडियामध्ये (Small Industries Development Bank of India, SIDBI) विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. भारतीय लघु उद्योग विकास बँकेअंतर्गत (SIDBI) विविध पदाच्या २१ जागा भरण्यात येणार आहेत. यासाठी इच्छुक आणि पात्र उमेदवारांकडून ऑनलाइन माध्यमातून अर्ज मागविण्यात आले आहेत. कायदेशीर सल्लागार (Legal Adviser), मुख्य अधिकारी (Chief Officer) लीड ऑफिसर (Lead Officer), प्रधान गुंतवणूक अधिकारी (Principal Investment Officer), लीड स्पेशलिस्ट (Lead Specialist), स्टॅटिस्टिस्ट (Statist), डेटा सायंटिस्ट (Data Scientist), प्रोक्युरमेंट ऑफिसर (Procurement Officer), ब्रँडिंग आणि कम्युनिकेशन ऑफिसर (Branding and Communication Officer), इन्व्हेस्टमेंट असोसिएट्स (Investment Associates), जोखीम विश्लेषक (Risk Analyst), जोखीम अधिकारी (Risk Officer), सल्लागार (Advisor), माहिती सुरक्षा प्रशासक आणि माहिती सुरक्षा प्रशासक (Information Security Administrator and Information Security Administrator) ही पदे भरली जाणार आहेत.मुंबईसह, नवी दिल्ली, लखनौ अशा विविध शहरातील सिडबीच्या ब्रांचमध्ये ही भरती होणार आहे. ही कॉन्ट्रॅक्ट पद्धतीची पूर्णवेळ भरती असणार आहे. लिगल काऊन्सेल पदासाठी मान्यताप्राप्त विद्यापीठातून ३ किंवा ५ वर्षाची लॉ डिग्री असणे आवश्यक आहे. उमेदवारास कमर्शियल, कॉर्पोरेट बॅंकेचा किमान १५ वर्षांचा अनुभव असणे गरजेचे आहे. मुंबईतील ब्रांचसाठी ही भरती असणार आहे. सिडबीच्या मुंबई ब्रांचमध्ये स्टॅटीस्टिशयन, ब्रॅंडींग अॅण्ड कम्युनिकेशन ऑफिसर, रिस्क अॅनालिस्ट, कन्सल्टंट इंजिनीअरिंग, असिस्टंट कम्युनिकेशन ऑफिसर ही पदे भरली जाणार आहेत. याचा सविस्तर तपशील नोटिफिकेशनमध्ये देण्यात आला आहे. बातमीखालच्या थेट लिंकवर क्लिक करुन हा तपशील पाहता येणार आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. या पदासाठी उमेदवारांना अधिकृत वेबसाइट recruitment@sidbi.com वर जाऊन अर्ज करावा लागणार आहे.२८ जानेवारी २०२२ ही अर्ज करण्याची शेवटची तारीख आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

from Career News in Marathi: Career News, मराठी Career बातम्या | Maharashtra Times https://ift.tt/3Almn9Z
via IFTTT