BSF मध्ये विविध पदांची भरती, दहावी उत्तीर्णांना नोकरीची संधी

BSF 2022: बॉर्डर सिक्युरिटी फोर्स (Border Security Force,BSF) मध्ये नोकरी करण्याची उत्तम संधी आहे. दहावी उत्तीर्ण आणि आयटीआय प्रमाणपत्र असलेले उमेदवार यासाठी अर्ज करु शकतात. भारत सरकारच्या गृह मंत्रालयाअंतर्गत येणाऱ्या सीमा सुरक्षा दलाच्या एम्प्लॉयमेंट न्यूजमध्ये यासंदर्भात जाहिरात देण्यात आली आहे. पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. बॉर्डर सिक्योरिटी फोर्स अंतर्गत २,७८८ पदांची भरती केली जाणार आहे. यामध्ये अर्ज करण्यासाठी उमेदवारांना बीएसएफच्या अधिकृत वेबसाइटला भेट द्यावी लागेल. देशासाठी सीमेवर काम करू इच्छिणाऱ्या तरुणांसाठी चांगली संधी आहे. BSF Recruitment: असा करा अर्ज ऑनलाइन अर्ज करण्यासाठी, सर्वप्रथम BSF च्या अधिकृत वेबसाइट rectt.bsf.gov.in वर जा. वेबसाइटच्या होमपेजवर सध्याच्या भर्ती ओपनिंगच्या लिंकवर जा. आता बीएसएफ कॉन्स्टेबल ट्रेडसमन रिक्रूटमेंट २०२२ ऑनलाइन फॉर्मच्या लिंकवर क्लिक करा. यामध्ये Apply Here या पर्यायावर क्लिक करा. मागितलेले तपशील भरून नोंदणी प्रक्रिया पूर्ण करा. नोंदणी केल्यानंतर तुम्ही अर्ज भरू शकता. या पदांवर भरती होणार आहे पुरुष - २६५१ मोची – ८८ शिंपी – ४७ कुक – ८९७ वॉटर कॅरियर – ५१० व्हिसल वॉशर मॅन – ३३८ न्हावी – १२३ व्हिसल स्वीपर-६१७ सुतार – १३ पेंटर – ०३ इलेक्ट्रिशियन- ०४ ड्राफ्ट्समन – ०१ व्हिसल वेटर – ०६ माळी – ०४ महिला - १३७ शैक्षणिक अर्हता आणि अनुभव रिक्त पदांसाठी अर्ज करणारा उमेदवार मान्यताप्राप्त मंडळातून दहावी उत्तीर्ण असावा. तसेच त्याच्याकडे व्यावसायिक संस्थेच्या आयटीआयमधून २ वर्षांचा अनुभव किंवा १ वर्षाचा प्रमाणपत्र अभ्यासक्रम आणि ट्रेडमधील किमान १ वर्षाचा अनुभव किंवा आयटीआयमध्ये ट्रेडमध्ये २ वर्षांचा डिप्लोमा असावा. अर्ज प्रक्रिया या रिक्त पदासाठी () अर्ज करण्याची प्रक्रिया१६ जानेवारी २०२२ पासून सुरू झाली आहे. बीएसएफने जाहीर केलेल्या या रिक्त पदासाठी अर्ज करणाऱ्या उमेदवारांना १ मार्च २०२२ पर्यंत वेळ देण्यात आला आहे. अर्ज करण्यापूर्वी, उमेदवार वेबसाइटवर उपलब्ध सूचना पाहू शकतात. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

from Career News in Marathi: Career News, मराठी Career बातम्या | Maharashtra Times https://ift.tt/3KgBUfK
via IFTTT