MMRDA Recruitment: मुंबई मेट्रोमध्ये विविध पदांची भरती, जाणून घ्या तपशील

Recruitment: महा मुंबई मेट्रो संचलन महामंडळामध्ये (Maha Mumbai Metro Circulation Corporation) विविध पदांची भरती केली जाणार आहे. यासाठी अधिकृत वेबसाइटवर जाहिरात प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. यासाठी उमेदवारांकडून ऑनलाइन माध्यमातून अर्ज मागविण्यात आले आहेत. मुंबई मेट्रोच्या प्रशासकिय विभागामध्ये विविध पदांच्या एकूण ८ जागा भरल्या जाणार आहेत. चीफ कंट्रोल (Chief Control), ऑपरेशनल शेड्यूलर (Operational Scheduler), स्टेशन मॅनेजर (Station Manager) आणि सुपरवायझर (कस्टमर रिलेशन) Supervisor (Customer Relations)पदाच्या रिक्त जागा भरण्यात येणार आहेत. चीफ कंट्रोलर पदाच्या ४ जागा, ऑपरेशन शेड्यूलर पदाच्या २ जागा, स्टेशन मॅनेजर पदाची १ जागा, सुपरवायझर (कस्टमर रिलेशन) ची १ जागा भरण्यात येणार आहे. शासनाच्या पीएसयू, रेल्वे, मेट्रोमध्ये कार्यरत अधिकाऱ्यांना यासाठी अर्ज करता येणार आहे. संबंधितांनी त्यांच्या कार्यालयामार्फत अर्ज पाठवायचे आहेत. तसेच मुलाखतीला येताना कार्यालयाचे ना हरकत प्रमाणपत्र सोबत आणणे आवश्यक आहे. या पदासाठी अर्ज करणाऱ्या उमेदवारांना अधिकृत वेबसाइट https://ift.tt/1K6abvK वर जा. त्यानंतर Divisions →Administration-Recruitment वर जाऊन अर्ज करा. इच्छुक आणि पात्र उमेदवारांना २९ जानेवारी २०२२ पर्यंत आपले अर्ज पाठवता येणार आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

from Career News in Marathi: Career News, मराठी Career बातम्या | Maharashtra Times https://ift.tt/3r2ShE6
via IFTTT