यूजीसी नेट डिसेंबर आणि जून सत्रासाठी परीक्षेची तारीख जाहीर

GC NET Exam Dates: डिसेंबर आणि जून सत्रासाठी परीक्षेची तारीख जाहीर करण्यात आली आहे. यूजीसी नेट परीक्षेचे आयोजन ६ ऑक्टोबर ते ११ ऑक्टोबरपर्यंत करण्यात आले आहे. सकाळी ९ ते दुपारी १२ वाजेपर्यंत आणि दुपारी ३ ते संध्याकाळी ६ वाजेपर्यंत या दोन सत्रात परीक्षा घेतली जाणार आहे. नॅशनल टेस्टिंग एजन्सीने यासंदर्भात नोटीस जाहीर केली आहे. यानुसार परीक्षेसाठी अर्ज करण्याचा अवधी वाढवून देण्यात आला आहे. ज्या विद्यार्थ्यांनी या परीक्षेसाठी अद्याप नोंदणी केली नसेल त्यांच्यासाठी ५ सप्टेंबरपर्यंत विंडो खुली असणार आहे. ६ सप्टेंबर ही अर्ज भरण्याची शेवटची तारीख आहे. अर्जामध्ये बदल करण्यासाठी ७ ते १२ सप्टेंबरपर्यंत विंडो खुली असणार आहे. यानंतर यूजीसी नेटची ही परीक्षा मे २०२१ ला होणार होती. २,३,४,५,६,७,१०,११,१२,१४ आणि १७ मेला परीक्षा आयोजित केली होती. पण करोनामुळे परीक्षा स्थगित करावी लागली. यानंतर यूजीसीने डिसेंबर आणि जून सत्र एकत्र करण्याचा निर्णय घेतला होता. नेट परीक्षा पॅटर्न यूजीसी नेट परीक्षेमध्ये दोन पेपर असतात. यामध्ये बहुपर्यायी प्रश्न असतात. प्रत्येक प्रश्न दोन गुणांचा असतो आणि परीक्षा एकूण तीन तासांची असते. परीक्षेमध्ये निगेटीव्ह मार्कींग नसते. यासोबतच दोन्ही पेपरमध्ये १५० प्रश्न असतात. ही परीक्षा वर्षातून दोनवेळा होणारी राष्ट्रीय स्तरावरील परीक्षा आहे. ही परीक्षा पास झाल्यानंतर उमेदवाराला भारतातील कॉलेज आणि विद्यापीठांमध्ये सहायक प्रोफेसर किंवा ज्युनिअर रिसर्च फलोशिप पदासाठी अर्ज करता येतो. उमेदवार पीचएडीसाठी देखील प्रवेश घेऊ शकतात.

from Career News in Marathi: Career News, मराठी Career बातम्या | Maharashtra Times https://ift.tt/3AzpCJS
via IFTTT