NEET 2021: आज फॉर्म भरण्याची शेवटची तारीख, जाणून घ्या संपूर्ण प्रक्रिया

2021: (एनटीए) तर्फे आज NEET २०२१ साठी अर्ज प्रक्रिया बंद करणार आहे. ज्या उमेदवारांनी अद्याप राष्ट्रीय पात्रतासह प्रवेश परीक्षेसाठी अर्ज केला नाही ते NEET ची अधिकृत वेबसाइट neet.nta.nic.in च्या माध्यमातून ऑनलाइन अर्ज करु शकता. अशा उमेदवारांना १० ऑगस्टपर्यंत अर्ज शुल्क भरता येणार आहे. बातमीखाली देण्यात आलेल्या लिंकवर जाऊन उमेदवार थेट अर्ज करु शकतात. एनटीएच्या वेळापत्रकानुसार यूजी २०२१ साठी १० ऑगस्ट रात्री ९.५० वाजेपर्यंत अर्ज करता येऊ शकतो. अर्जासोबत उमेदवारांना शुल्क भरावे लागेल. उमेदवारांना हे शुल्क आज रात्री ११.५० वाजेपर्यंत भरता येणार आहे. नीट २०२१ अर्ज भरुन सबमीट केल्यानंतर उमेदवार ११ ते १४ ऑगस्ट दुपारी २ वाजेपर्यंत यामध्ये बदल करु शकतात. करोनाच्या पार्श्वभूमीवर उमेदवारांसमोर येणाऱ्या अडचणी लक्षात घेऊन ही मुदतवाढ देण्यात आली आहे. कुठे आणि कशी कराल नोंदणी? उमेदवारांना नीट (यूजी) अर्ज करण्यासाठी एनटीए परीक्षा पोर्टल ntaneet.nic.in वर जावे लागेल. होमपेजवर दिल्या गेल्या रजिस्ट्रेशन फॉर्मच्या लिंकवर क्लिक करावे लागेल. एनटीएने दिलेल्या अर्ज क्रमांक आणि पासवर्डच्या मदतीने लॉगिन करावे लागेल. उमेदवार आपला नीट अर्ज २०२१ सबमिट करु शकतात. अर्ज करताना उमेदवारांना एजन्सीतर्फे मागण्यात आलेले कागदपत्र स्कॅन करुन सॉफ्ट कॉपी अपलोड करावी लागेल. एनटीएने नीट २०२१ चे आयोजन १२ सप्टेंबरला पेन आणि पेपरच्या माध्यमातून केले आहे. नीट यूजी परीक्षेचे आयोजन एमबीबीएस, बीडीएस, बीएएमएएस, बीयूएमएस आणि बीएचएमएस अभ्यासक्रमांच्या प्रवेशासाठी केला जातो. वर्ष २०२० पासून एम्स आणि जिपमरचे प्रवेश देखील नीटच्या माध्यमातून होत आहेत. या अभ्यासक्रमांसोबत बीएससी (ऑनर्स) नर्सिंग कोर्सचा देखील यावर्षी प्रवेशासाठी अर्ज करण्यास इच्छुक उमेदवारांना नीट यूजीसाठी अर्ज करावा लागणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2U5NB3D
via IFTTT