Career: हातातल्या स्मार्टफोनचा उपयोग करुन महिन्याला लाखोची कमाई करा

in technology: आजकाल एखादी वस्तू खरेदी करायची असेल, गाणी ऐकायची असतील किंवा वर्तमानपत्र वाचायचे असेल, एखादा गेम खेळायचा असेल किंवा कुणाला पैसे पाठवायचे असतील या सर्व गोष्टी आता स्मार्टफोनच्या मदतीने केल्या जातात. या सर्वासाठी आपल्या स्मार्टफोनमध्ये इन्स्टॉल केलेले ऍप्लिकेशनची महत्वाची भूमिका बजावतात. त्यामुळे मोबाइलवर तासनतास वाया घालविणाऱ्या तरुणांना ही संधी ओळखून महिन्याला लाखोंची कमाई करता येऊ शकते. याबद्दल जाणून घेऊया. गाणी ऐकण्यापासून पैसे पाठवण्यापर्यंत आणि वस्तू खरेदी करण्यापर्यंत अनेक भिन्न अॅप्स आहेत. अगदी करोना बाधितांची अचूक माहिती आणि लसीकरणासाठी वापरले जाणारे आरोग्य सेतू आणि कोविन हे ऍप्लिकेशन देखील मोबाईल ऍप आहे. त्याचप्रमाणे आज मुलांना शाळेचे वर्ग घ्यायचे असतील किंवा घरातील वस्तू घ्यायच्या असतील, ही कामेही मोबाईल अॅपच्या मदतीने अगदी सहजतेने केली जात आहेत. आजच्या युगात अॅपमुळे तुमचा मोबाईल एखाद्या जादूच्या कांडीप्रमाणे काम करतो असे म्हटले तरी वावगे ठरणार नाही. एका अंदाजानुसार, २०२५ पर्यंत मोबाइल अॅप मार्केट सुमारे १ हजार बिलियन यूएस डॉलर्सपर्यंत वाढेल. दुसऱ्या एका सर्वेक्षणानुसार २०३० पर्यंत ५० टक्के लोक खरेदीसाठी मोबाईल अॅप्लिकेशन्स वापरतील. प्रोग्रामिंग आणि मोबाईल ऍप्लिकेशन डेव्हलपमेंट शिकणे आता किती महत्त्वाचे आहे हे यावरून समजू शकते. बहुतांश कामे ऑनलाइन करण्यावर सरकारचा भर असल्याने येत्या काही वर्षांत तरुणांच्या करिअरच्या संधी झपाट्याने वाढतील. स्मार्टफोनच्या कमी किंमती, माफक दरात इंटरनेट सेवांची उपलब्धता आणि करोना महामारीनंतरची बदललेली परिस्थिती यामुळे आपले मोबाईलवरील अवलंबित्व वाढत आहे. त्यामुळे अॅपची गरज आणि उपयुक्तताही वाढत आहे. स्मार्टफोनच्या वाढत्या लोकप्रियतेमुळे आज मोबाईल अॅप्स बनवण्याची एक मोठी जागतिक बाजारपेठ निर्माण झाली आहे. जिथे रोजगार आणि कमाईच्या अमर्याद संधी आहेत. इतकेच नव्हे तर, मोबाईल ऍप्लिकेशन आज बहुतेक व्यवसायांचा एक आवश्यक भाग बनला आहे. ओला, उबेर, ऍमेझॉन, पेटीएम असे अनेक व्यवसाय अॅपवर चालू आहेत. बँकिंगची कामेही अॅपच्या माध्यमातून वेगाने केली जात आहेत. आज ही अॅप्स नसती, तर या व्यवसायात इतक्या वेगाने प्रगती झाली नसती. वास्तविक, मोबाइल अॅप हे एक प्रकारचे सामान्य सॉफ्टवेअर असून ते मोबाइलमध्ये वापरले जाते. नोकरीच्या संधी हल्ली ज्याप्रकारे नवीन अॅप्स लाँच होत आहेत, त्यामुळे अॅप डेव्हलपर्सची मागणीही सातत्याने वाढत आहे. टेक आणि सॉफ्टवेअर कंपन्यांपासून मूल्यवर्धित सेवा कंपन्यांपर्यंत त्यांची सध्या सर्वाधिक गरज आहे. मोबाइल यूआय डिझाइनर आणि यूजर्स एक्सपीरिअन्स अॅण्ड युजेबिलिटी तज्ञ म्हणून काम करता येऊ शकते. प्रोग्रामिंगमध्ये प्रशिक्षित आयटी व्यावसायिकांना या क्षेत्रात जास्त मागणी आहे. या क्षेत्रात अँड्रॉइड अॅप डेव्हलपर, अॅप डेव्हलपमेंट कन्सल्टंट, अॅप टेस्टर, अॅप डेव्हलपमेंट डीबगिंग यासारख्या पदांवर अॅप्स बनवण्याचे योग्य कौशल्य मिळवून तुम्ही या क्षेत्रात नोकरी देखील शोधू शकता. अभ्यासक्रम आणि पात्रता आयओएस आणि अॅण्ड्रॉइडची बाजारपेठ जवळपास सारखीच आहे (अनुक्रमे ४७ टक्के आणि ५२ टक्के). दोन्ही अॅप्स तयार करण्यासाठी अनुभव आणि काळजी तितकीच आवश्यक आहे. एकूणच, मोबाइल अॅप विकसित करण्यासाठी तुम्हाला प्रोग्रामिंग भाषा माहित असणे आवश्यक आहे. जावा असो वा पायथन (Java and Python) शिकण्यासाठी तुम्ही यूट्यूबची मदत घेऊ शकता. सोप्या भाषेत हिंदीमध्ये मोफत जावा आणि पायथॉन अभ्यासक्रम उपलब्ध आहेत. जर तुम्ही प्रोग्रामिंग भाषा शिकली असेल, तर तुम्हाला अॅप्लिकेशन डेव्हलपमेंट कोर्स करावा लागेल. तुम्ही हे कोर्सेस ऑनलाइनही शिकू शकता. SimpleLearn, Udemy सारखी अनेक पोर्टल्स हा कोर्स ऑफर करतात. जिथून तुम्ही घरबसल्या अॅप्लिकेशन तयार करायला शिकू शकता. कोर्स पूर्ण केल्यावर, तुम्हाला डिप्लोमा किंवा प्रमाणपत्र देखील मिळेल जे तुम्हाला मुलाखतीच्या वेळी उपयोगी पडेल. याशिवाय, अॅप डेव्हलपर्सची वाढती मागणी लक्षात घेऊन आजकाल आयआयटी व्यतिरिक्त अनेक खासगी संस्था देखील अॅप्स डेव्हलपमेंटमध्ये शॉर्ट टर्म किंवा डिप्लोमा सारखे कोर्स ऑफर करत आहेत, ज्यामध्ये तीन महिन्यांचा अॅडव्हान्स प्रशिक्षण कोर्स देखील केला जातो. कोणत्याही पदवीधराला ते शिकून सहज नोकरी मिळू शकते. पण कंपन्या यांच्या तुलनेने बीटेक, बीसीए, एमसीए केलेल्या तरुणांना प्राधान्य देतात. पगार मोबाइल अॅप बनवण्यासाठी डेव्हलपर्स ५० हजार ते २० लाख रुपयांपर्यंत चार्ज घेतात. यातून तुम्हाला बाजारपेठ आणि त्याच्या अफाट क्षमतेची कल्पना येऊ शकते. एखाद्या आयटी कंपनीत काम करुन अशा अॅप डेव्हलपर्सना सुरुवातीला तीन ते पाच लाख रुपयांचे पॅकेज सहज मिळू शकते. सर्वात चांगली गोष्ट म्हणजे घरून सध्या वर्क फ्रॉम होमला चालना मिळाल्याने घरूनही हे काम खूप चांगल्या पद्धतीने करता येते.

from Career News in Marathi: Career News, मराठी Career बातम्या | Maharashtra Times https://ift.tt/33hRabj
via IFTTT