UPSC NDA मध्ये विविध पदांची भरती, अर्ज प्रक्रिया जाणून घ्या

NDA 2022: केंद्रीय लोकसेवा आयोग (Union Public Service Commission, UPSC) तर्फे राष्ट्रीय संरक्षण अकादमी/ यूपीएससी एनडीए I (UPSC I 2022) च्या भरतीसाठी नोटिफिकेशन जाहीर करण्यात आले आहे. यानुसार UPSC NDA परीक्षेची तयारी करणाऱ्या उमेदवारांना अर्ज करता येणार आहे. यूपीएससीच्या अधिकृत वेबसाइटवर अर्जाचा फॉर्म पाहता येणार आहे. उमेदवारांना ११ जानेवारी २०२२ पर्यंत अर्ज करता येणार आहे. यूपीएसई एनडीए २०२२ () भरती परीक्षा १० एप्रिल २०२२ रोजी होणार आहे. यासाठी अर्ज करू इच्छिणारे सर्व उमेदवार खालील स्टेप्स फॉलो करुन अर्ज प्रक्रिया पूर्ण करु शकतात. अशी करा नोंदणी यूपीएससी एनडीए, एनए I परीक्षेच्या नोंदणीसाठी अधिकृत वेबसाइट upsconline.nic.in वर जा. होमपेजवर , ONLINE APPLICATION FOR VARIOUS EXAMINATIONS OF UPSC वर क्लिक करा. एक नवीन पेज खुले होईल. तिथे परीक्षेच्या नावावर क्लिक करा. तुमची क्रेडेन्शियल्स वापरून लॉगिन करा. सर्व तपशील आणि आवश्यक कागदपत्रे अपलोड करून अर्ज भरा. आवश्यक फी भरुन अर्ज सबमिट करा. तुमची नोंदणी पूर्ण होईल. भविष्यातील उपयोगासाठी अर्जाची प्रिंट काढा. यूपीएससी एनडीए I २०२२ ची परीक्षा एकाच दिवशी ऑफलाइन पद्धतीने घेतली जाणार आहे. अधिकृत नोटफिकेशननुसार, या अंतर्गत एकूण ४०० रिक्त जागा भरण्यात येणार आहेत. परीक्षा सुरू होण्याच्या सुमारे ३ आठवडे आधी उमेदवारांना एक ई-प्रवेशपत्र जाहीर केले जाणार आहे. यासाठी लेखी परीक्षा घेण्यात येणार असून त्यासाठी त्यामध्ये निगेटिव्ह मार्किंग असणार आहे. ही परीक्षा एकूण ९०० गुणांची असून यामध्ये गणित आणि सामान्य अभियोग्यता चाचणी असेल. चेन्नई, दिसपूर, कोलकाता आणि नागपूर वगळता प्रत्येक केंद्रावर वाटप केलेल्या उमेदवारांची संख्या मर्यादित असणार आहे. त्यामुळे उमेदवारांना केंद्रांचे वाटप 'प्रथम अर्ज करा-प्रथम वाटप' तत्त्वावर केले जाईल. केंद्रातील वाटप केलेल्या जागा भरल्यानंतर ही प्रक्रिया थांबविली जाईल. त्यामुळे आपल्या पसंतीचे केंद्र हवे असल्यास अर्जदारांना लवकर अर्ज करावा लागणार आहे. या पदासाठीअर्ज करणाऱ्या उमेदवाराकडे मान्यताप्राप्त बोर्ड किंवा विद्यापीठातून दहावी आणि बारावी उत्तीर्ण असणे गरजेचे आहे. हवाई दल आणि नौदल विंगसाठी अर्ज करणाऱ्या विद्यार्थ्यांना भौतिकशास्त्र आणि गणित विषय अनिवार्य आहेत.

from Career News in Marathi: Career News, मराठी Career बातम्या | Maharashtra Times https://ift.tt/3qkwPtx
via IFTTT