कॉन्स्टेबल पदाची भरती: कधी, कुठे करायचा अर्ज... जाणून घ्या

संजय मोरे देशाच्या संरक्षणासाठी काम करण्याची संधी मिळाली तर उत्तमच! सीआयएसएफ आणि एनआयए या विभागात कॉन्स्टेबल पदासाठी भरती सुरु होणार आहे. दहावी उत्तीर्ण उमेदवारांसाठी सेंट्रल आर्म्ड पोलिस फोर्सेस (सीएपीएफ), एनआयए आणि एसएसएफमध्ये कॉन्स्टेबल (जीडी) आणि आसाम रायफल्स (एआर)मध्ये रायफलमन (जीडी) पदांवर भरती होणार आहे. एकूण रिक्त पदं- २५,२७१ (पुरुष- २२,४२४ आणि महिला- २,८४७). एकूण रिक्त पदांच्या दहाच पदं माजी सैनिकांसाठी राखीव आहेत. पात्र माजी सैनिक उपलब्ध न झाल्यास या जागा इतर उमेदवारांमधून भरल्या जातील. सीपीएसएफमधील रिक्त पदं ही राज्य/केंद्रशासित प्रदेश निहाय निश्चित केली आहेत. त्यामुळे उमेदवारांना डोमिसाइल सर्टिफिकेट सादर करावं लागेल. दिव्यांग उमेदवार अर्ज करण्यास पात्र नाहीत. ० पात्रता- १ ऑगस्ट, २०२१पर्यंत दहावी उत्तीर्ण. ० वयोमर्यादा- १ ऑगस्ट, २०२१ रोजी १८ ते २३ वर्ष. उमेदवाराचा जन्म २ ऑगस्ट १९९८ ते १ ऑगस्ट २००३ दरम्यानचा असावा. इमाव- २६ वर्षांपर्यंत, अजा/अज-२८ वर्षांपर्यंत. ० परीक्षा केंद्र - स्टाफ सिलेक्शन कमिशनच्या वेस्टर्न रिजनमधील महाराष्ट्रातील परीक्षा केंद्र- अमरावती, औरंगाबाद, जळगाव, कोल्हापूर, मुंबई, नागपूर, नांदेड, नाशिक, पुणे. ० निवड पद्धती- (अ) संगणक आधारित ऑब्जेक्टिव्ह टाइप परीक्षा. तारीख लवकरच कमिशनच्या संकेतस्थळावर जाहीर होईल. कालावधी- ९० मिनिटं, १०० प्रश्न, १०० गुण. (१) सामान्य बुद्धिमत्ता व कारणे, (२) सामान्य ज्ञान व सामान्य जागरुकता, (३) प्राथमिक गणित, (४) इंग्रजी/ हिंदी प्रत्येक विषयाला २५ गुण. प्रत्येक चुकीच्या उत्तराला ०.२५ गुण वजा केले जातील. प्रश्नपत्रिका हिंदी/ इंग्रजी/ स्थानिक भाषांमध्ये असतील. महाराष्ट्रासाठी स्थानिक भाषा मराठी आहे. एन्सीसी 'सी' सर्टिफिकेट धारकांना पाच गुण, एन्सीसी 'बी' सर्टिफिकेट धारकांना तीन गुण आणि एनसीसी 'ए' सर्टिफिकेट धारकांना दोन गुण अधिकचे दिले जातील. (ब) शारीरिक क्षमता चाचणी- पुरुषांनी ५ किमी अंतर २४ मिनिटांत धावणं आणि १.६ किमी अंतर साडे सहा मिनिटात धावणं अपेक्षित. महिलांनी १.६ किमी अंतर साठे आठ मिनिटात धावणं आणि ८०० मीटर अंतर चार मिनिटात धावणं अपेक्षित. (क) शारीरिक मापदंड चाचणी - उंची- पुरुष- १७० सेमी (अज- १६२.५ सेमी), महिला-१५७ सेमी (अज-१५० सेमी) (नक्षलग्रस्त जिल्ह्यातील म्हणजेच चंद्रपूर, गडचिरोली आणि गोंदिया या भागातील अज उमेदवारांसाठी उंची १६० सेमी (पुरुष), १४७.५ सेमी (महिला)) - छाती- पुरुष- ८० ते ८५ सेमी (अज- ७६ ते ८१ सेमी). छातीच्या मोजमापात सूट मागणाऱ्या उमेदवारांना वेबसाइटवरील जाहिरातीमधील Annexure-VIII प्रमाणे सर्टिफिकेट सादर करावं लागेल. (ड) वैद्यकिय तपासणी- डिटेल्ड मेडिकल एक्झामिनेशन (डीएमई)/ रिव्ह्यू मेडिकल एक्झामिनेशन (आरएमई) करणं अनिवार्य आहे. चष्म्याशिवाय दूरची दृष्टी- चांगला डोळा- ६/६, खराब डोळा ६/९. वैद्यकीय तपासणी/ पीईटी/ पीएसटी फक्त पात्रता स्वरूपाची असेल. (इ) कागदपत्र पडताळणीनंतर अंतिम निवड सीबीइमधील गुणवत्तेनुसार कॅटेगरीनिहाय केली जाईल. ऑनलाइन अर्ज भरताना उमेदवारांना वेगवेगळ्या सेंट्रल आर्म्ड पोलिस फोर्सेससाठी पसंतीक्रम द्यावा लागेल. ऑनलाइन अर्ज https://ssc.nic.in या संकेतस्थळावर ३१ ऑगस्ट, २०२१ वाजेपर्यंत करावेत. शंकासमाधानासाठी ०११-२६१६०२५वर संपर्क साधावा. CT (GD) निवडीची विस्तृत माहिती http://crpf.gov.in या संकेतस्थळावर उपलब्ध आहे. पासपोर्ट आकाराचा फोटो (३.५ सेमी x ४.५ सेमी उंची) JPEG Format मध्ये स्कॅन करून (२० केबी ते ५० केबी) अपलोड करावा. फोटो काढल्याची तारीख फोटोवर प्रिंट केलेली असावी. फोटो १७ जुलै, २०२१च्या तीन महिने अगोदर काढलेला नसावा. अॅडमिट कार्ड एसएससी रिजनल ऑफिसच्या वेबसाइटवरून डाऊनलोड करता येतील. (महाराष्ट्रातील उमेदवारांसाठी एसएससी वेस्टर्न रिजनल ऑफिसची वेबसाइट www.sscwr.net ही आहे.)

from Career News in Marathi: Career News, मराठी Career बातम्या | Maharashtra Times https://ift.tt/3Az37EV
via IFTTT